Share Market Opening Bell : ભારતીય શેરબજારની લીલા નિશાનમાં શરૂઆત, સેન્સેક્સ 80158 પર ખુલ્યો
Share Market Opening Bell : સતત ત્રણ દિવસ લાલ નિશાનમાં કારોબાર રહ્યા બાદ આજે 26 જુલાઈ 2024 ના રોજ ભારતીય શેબજારની શરૂઆત લીલા નિશાનમાં થઇ હતી. સેન્સેક્સ અને નિફટી સામાન્ય વધારા સાથે ખુલ્યા હતા.
Share Market Opening Bell : સતત ત્રણ દિવસ લાલ નિશાનમાં કારોબાર રહ્યા બાદ આજે 26 જુલાઈ 2024 ના રોજ ભારતીય શેબજારની શરૂઆત લીલા નિશાનમાં થઇ હતી. સેન્સેક્સ અને નિફટી સામાન્ય વધારા સાથે ખુલ્યા હતા. શરૂઆતી ટ્રેડિંગમાં ઉતાર-ચઢાવ દેખાયો હતો. કારોબારની શરૂઆત સમયે સેન્સેક્સ 118 પોઇન્ટ મુજબ 0.15 ટકાની તેજી દર્શાવતો હતો. બીજી તરફ નિફટીએ કારોબારનો પ્રારંભ 0.071%ના સામાન્ય વધારા સાથે કર્યો હતો. આ સમયે ઇન્ડેક્સ 24423 પર ટ્રેડ થઇ રહ્યો હતો.ગણતરીના સમયમાં કારોબાર લાલ નિશાન નીચે પણ જોવા મળ્યો હતો.
Stock Market Opening (26 July 2024)
- SENSEX : 80,158.50 +118.70
- NIFTY : 24,423.35 +17.25
વૈશ્વિક બજારોના સંકેતો શું છે?
અમેરિકન બજાર ગઈ કાલે મિશ્રિત બંધ રહ્યા હતા. ડાઉ જોન્સ 81 અંક વધીને બંધ રહ્યો હતો. S&P 500 ઈન્ડેક્સ 28 પોઈન્ટના ઘટાડા સાથે અને Nasdaq 161 પોઈન્ટના ઘટાડા સાથે બંધ રહ્યો હતો. મજબૂત વૃદ્ધિના આંકડા અને રેટ કટની અપેક્ષાઓ પણ બજારને સમર્થન આપી રહી નથી. ગઈકાલના સત્રમાં S&P 500 ઈન્ડેક્સ અને Nasdaq ઈન્ટ્રાડે દરમિયાન લગભગ 1.1% વધ્યા હતા પરંતુ સત્રના અંતે ઘટાડા સાથે બંધ થયા હતા. ટેસ્લા સિવાય અન્ય તમામ મોટા ટેક શેરો ઘટીને બંધ થયા છે.
એશિયન બજારોમાં મજબૂતાઈ
એશિયન બજારોમાં ગુરુવારે વેચવાલી બાદ આજે તેજી જોવા મળી રહી છે. જાપાનનો નિક્કી ઈન્ડેક્સ લગભગ સપાટ રહ્યો હતો. દક્ષિણ કોરિયાનો કોસ્પી ઇન્ડેક્સ અડધા ટકાથી વધુનો ઉછાળો દર્શાવે છે. તાઈવાનના બજારો આજે બે દિવસ પછી ખુલ્યા છે. હોંગકોંગના હેંગસેંગ અને ચીનના શાંઘાઈ કમ્પોઝિટ ઈન્ડેક્સમાંથી પણ સકારાત્મક સંકેતો આવી રહ્યા છે.
આજે એશિયન બજારોની મજબૂતી બાદ ગિફ્ટ નિફ્ટી પણ લીલા નિશાનમાં કામ કરી રહ્યો છે.
આજે કઈ કંપનીઓનું પરિણામ જાહેર થશે?
આજે, Cipla, IndusInd Bank, Power Grid, InterGlobe Aviation, Amber Enterprises, Cholamandalam, City Union Bank, Equitas SFB, ESAF SFB, KEC International, Piramal Pharma, SBI Cards, TTK Prestige અને અન્ય કંપનીઓ વર્ષ 2025 ના એપ્રિલ-જૂન ક્વાર્ટરના પરિણામો જાહેર કરશે.
ડિસ્ક્લેમર : શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
આ પણ વાંચો : Budget 2024 : દેશ છોડતા પહેલા ફરજિયાત ટેક્સ ક્લિયરન્સ સર્ટિફિકેટ મેળવવું પડશે, 1 ઓક્ટોબરથી નિયમ લાગુ પડશે