31 ડિસેમ્બર પહેલા પતાવી લો આ કામ નહીંતર સરકારી લાભથી વંચિત રહેવું પડશે

જો તમે નોકરી કરતા હોવ અને તમારી પાસે પ્રોવિડન્ટ ફંડ એટલે કે PF એકાઉન્ટ છે, તો તમારા માટે મહત્વના સમાચાર છે. કર્મચારી ભવિષ્ય નિધિ સંગઠન અથવા EPFO ​​એ તમામ PF ખાતાધારકો માટે નોમિની(Nominee) ઉમેરવાનું ફરજિયાત બનાવ્યું છે. EPFO એ આ માટેની અંતિમ તારીખ 31 ડિસેમ્બર 2021 નક્કી કરી છે. જો તમે 31મી ડિસેમ્બર સુધીમાં તમારા PF ખાતામાં નોમિની ઉમેરશો નહીં, તો તમારે ઘણી મુશ્કેલીઓનો સામનો કરવો પડી શકે છે.

EPFOની આ કવાયત PF ખાતાધારકોના આશ્રિતોને સુરક્ષા પૂરી પાડવાની છે. જો પીએફ ખાતાધારકો સાથે કંઈક અપ્રિય થાય છે, તો નોમિનીને વીમા અને પેન્શન જેવા લાભો મળે છે. તાજેતરમાં EPFOએ કહ્યું હતું કે, “EPFO સબસ્ક્રાઈબરોએ તેમના પરિવારની સામાજિક સુરક્ષા માટે ઈ-નોમિનેશનની સુવિધાનો લાભ લેવો જોઈએ. પ્રોવિડન્ટ ફંડ, પેન્શન અને વીમા સેવાઓ ઓનલાઈન મેળવવા માટે તમારું ઈ-નોમિનેશન ફાઈલ કરો. સબસ્ક્રાઈબર માટે તેની પત્ની, બાળકો અને માતા-પિતાની સંભાળ રાખવા અને ઓનલાઈન પીએફ, પેન્શન અને ઈન્સ્યોરન્સ દ્વારા તેમનું રક્ષણ કરવા માટે તેનું નોમિનેશન ફાઈલ કરવું અત્યંત મહત્વપૂર્ણ છે.”

ઈ-નોમિનેશન(E-nomination)ની સુવિધા ઉપલબ્ધ 
EPFO એ હવે નોમિનીની માહિતી આપવા માટે ઈ-નોમિનેશન(E-nomination)ની સુવિધા શરૂ કરી છે. આમાં જે લોકોએ નોમિનેશન નથી કર્યું તેમને તક આપવામાં આવી રહી છે. નોમિનીના નામ જેવી આ માહિતી પછી, જન્મ તારીખ ઓનલાઇન અપડેટ કરવામાં આવશે.

EPF/EPS માં ઈ-નોમિનેશન(E-nomination) કેવી રીતે કરવું

• EPFO વેબસાઇટ પર જાઓ અને ‘Servises’ વિભાગમાં ‘For Employees’ પર ક્લિક કરો.
• હવે મેમ્બર UAN/ઓનલાઇન સેવા (OCS/OTCP)’ પર ક્લિક કરો.
• હવે UAN અને પાસવર્ડ દાખલ કરીને લોગ ઇન કરો.
• ‘Manage’ ટેબમાં ‘E-nomination’ સિલેક્ટ કરો.
• આ પછી ‘Provide Details’ ટેબ સ્ક્રીન પર દેખાશે, ‘SAVE’ પર ક્લિક કરો.
• Family Declaration અપડેટ કરવા માટે ‘yes પર ક્લિક કરો.
• હવે ‘Family Details’ પર ક્લિક કરો. એકથી વધુ નોમિની પણ ઉમેરી શકાય છે.
• નોમિની કેટલો હિસ્સો આવશે તેની જાહેરાત કરવા માટે ‘નોમિનેશન ડિટેલ્સ’ પર ક્લિક કરો. વિગતો દાખલ કર્યા પછી, ‘સેવ ઇપીએફ નોમિનેશન’ પર ક્લિક કરો.
•  OTP જનરેટ કરવા માટે ‘ઇ-સાઇન’ પર ક્લિક કરો. આધાર સાથે જોડાયેલા મોબાઇલ નંબર પર OTP મોકલવામાં આવશે.
• ઉલ્લેખિત જગ્યામાં OTP દાખલ કરીને તેને સબમિટ કરો.

આ પણ વાંચો : Zoom Call પર 900 કર્મચારીઓની છટણી કરનાર CEO Vishal Gargને તાત્કાલિક અસરથી રજા પર મોકલી અપાયા, જાણો સમગ્ર મામલો

આ પણ વાંચો : દેશમાંવિક્રમી રસીકરણની ખુશીમાં સરકાર આપી રહી છે ફ્રી મોબાઈલ રિચાર્જ! આ મેસેજ તમને મળ્યો કે નહીં? જાણો હકીકત