RBI ગવર્નરે NBFC સેક્ટરને આપી કડક ચેતવણી, કહ્યું કડક પગલાં લેવામાં અચકાશે નહીં

RBI ગવર્નરે NBFCs સેક્ટરને કડક ચેતવણી આપી છે. તેમનું કહેવું છે કે કેટલીક NBFC( Non-Banking Financial Company) રીટર્ન પાછળ વધું ભાગે છે. તેમણે કહ્યું કે NBFC સેક્ટરે સેલ્ફ કરેક્શન કરવું જોઈએ અન્યથા તેઓ કડક પગલાં લેવામાં અચકાશે નહીં. તેમણે એમ પણ કહ્યું કે હવે ફ્લોટિંગ રેટ MSME લોન પર કોઈ પ્રીપેમેન્ટ ચાર્જ નહીં લાગે. RBI સરકારે કહ્યું કે ઊંચા ખર્ચ NBFCની સ્થિરતા માટે મોટું જોખમ છે. કેટલીક NBFCs, MFIs, HFCs ઊંચા વળતરનો પીછો કરી રહી છે. જરૂર પડશે તો NBFC સામે પગલાં લેવામાં કોઈ ખચકાટ નહીં રહે.

તેમણે વધુમાં કહ્યું કે NBFCsએ હાલની સિસ્ટમની સમીક્ષા કરવી પડશે. ધિરાણકર્તાઓએ નિયમો અને દેખરેખ પર કડક રહેવું પડશે. તાજેતરમાં કેટલીક અનસિક્યોર્ડ લોનને લઈને પડકારો છે. આ બાબતે સાવચેતી રાખવાની જરૂર છે.

ગવર્નર દાસે કહ્યું કે કેટલીક NBFC વાસ્તવિક માંગને બદલે રિટેલ ટાર્ગેટ વધારવા પર ધ્યાન કેન્દ્રિત કરી રહી છે. આવી સ્થિતિમાં, આરબીઆઈ ક્રેડિટ કાર્ડ્સ, એમએફઆઈ લોન અને અસુરક્ષિત લોન પરના ડેટા પર ‘ દેખરેખ’ કરી રહી છે. ગવર્નર શક્તિકાંત દાસે બેંકો અને NBFC ને તેમના અનસિક્યોર્ડ લોન એક્સપોઝરની કાળજીપૂર્વક આકારણી કરવા જણાવ્યું છે. તેમણે એમ પણ કહ્યું હતું કે કેટલાક ધિરાણકર્તાઓ મજબૂત અંડરરાઈટિંગ પ્રેક્ટિસને અનુસર્યા વિના આક્રમક રીતે વૃદ્ધિ માટે જોઈ રહ્યા છે.

9 ઓક્ટોબરના રોજ મોનેટરી પોલિસી કમિટીના નિર્ણયો અંગેની તેમની બ્રીફિંગ દરમિયાન, ગવર્નરે જણાવ્યું હતું કે, “એનબીએફસી દ્વારા સ્વ-સુધારણા એ પસંદગીનો વિકલ્પ હશે, જો કે આરબીઆઈ આના પર નજીકથી નજર રાખી રહી છે અને જો જરૂરી હોય તો પગલાં લેવામાં અચકાશે નહીં.”

ગવર્નર દાસે જણાવ્યું હતું કે MFIs અને હાઉસિંગ ફાઇનાન્સ કંપનીઓ સહિત કેટલીક NBFCs ઇક્વિટી પર ‘અતિશય’ વળતરની શોધમાં છે. સમગ્ર NBFC સેક્ટર પર લક્ષ્ય રાખ્યા વિના, શક્તિકાંત દાસે જણાવ્યું હતું કે કેટલાક ‘આઉટલીયર્સ’ છે જેમની સાથે આરબીઆઈ વાતચીત કરી રહી છે.

આરબીઆઈએ વિકાસને આગળ વધારવા શેડો ધિરાણકર્તાઓ દ્વારા લક્ષ્યોની આ ‘ અસર’ તરફ ધ્યાન દોર્યું હતું અને ભાર મૂક્યો હતો કે ‘ઉચ્ચ ઋણ’ NBFCsની મજબૂતાઈ માટે જોખમ ઊભું કરી શકે છે. આરબીઆઈએ જણાવ્યું હતું કે જ્યારે એનબીએફસી દ્વારા વસૂલવામાં આવતા વ્યાજ દરો ‘અતિશય’ થઈ જાય છે ત્યારે ચિંતા ઊભી થાય છે.