Radhika Merchant Net Worth : જુનિયર સેલ્સ મેનેજર તરીકે કામ કરી ચૂકી છે મુકેશ અંબાણીની નાની વહુ, જાણો રાધિકાની નેટવર્થ

Radhika Merchant Net Worth : અંબાણી નામ નહિ પરંતુ એક બ્રાંડ છે, મુકેશ અંબાણી અને અંબાણી પરિવારથી સૌ કોઈ પરિચિત છે. દુનિયાના સૌથી અમીર વ્યક્તિમાં અંબાણી પરિવારનું નામ હંમેશા ચર્ચામાં રહે છે. મુકેશ અંબાણીનો નાનો પુત્ર અનંત અંબાણીની પત્ની રાધિકા મર્ચન્ટ પણ હાલમાં દુનિયામાં ફેમસ છે, અંબાણી પરિવારની વહુ શું કરી રહી છે તે જાણવા લોકો ખુબ જ ઉત્સુક હોય છે, તો ચાલો જાણીએ કે, રાધિકા મર્ચન્ટ કેટલા કરોડની માલિક છે.

18 ડિસેમ્બર 1994માં જન્મેલી રાધિકા એક ક્લાસિકલ ડાન્સર, બિઝનેસમેન સાથે-સાથે મીડિયા ફેસના રુપે પણ જાણીતી છે. લાંબા સમય સુધી રિલેશનશિપમાં રહી રાધિકા તેના બોયફ્રેન્ડ અને મુકેશ અંબાણીના નાના પુત્ર અનંત અંબાણી સાથે લગ્ન કરવાની છે. અનંત અંબાણી અને રાધિકા મર્ચન્ટનો રોકા સેરેમની ગયા વર્ષે 29 ડિસેમ્બરે થઈ હતી.

તેઓએ તાજેતરમાં જ ગુજરાતી વિધિ મુજબ સગાઈ કરી હતી. મીડિયા રિપોર્ટસ મુજબ અનંત અંબાણી પરિવારનો બિઝનેસ ચલાવે છે તો બીજી બાજુ તેમની પત્ની પણ તેના પપ્પાનો બિઝનેસ ચલાવે છે. રિપોર્ટ મુજબ રાધિકાની નેટ વર્થ 8 થી 10 કરોડની નજીક છે.

આ પણ વાંચો : જૂની પરંપરા મુજબ થઈ અનંત અને રાધિકાની સગાઈ, એક ફ્રેમમાં જોવા મળ્યો આખો અંબાણી પરિવાર

શું છે રાધિકા મર્ચેટનું ફેમેલી બેકગ્રાઉન્ડ

રાધિકા મર્ચન્ટ અને અનંત અંબાણી નાનપણથી મિત્રો છે. વર્ષ 2018માં બંનેનો એક ફોટો વાયરલ થયો હતો. રાધિકા એન્કોર હેલ્થકેરના સીઈઓ વિરેન મર્ચન્ટની પુત્રી છે. વેપારી પરિવાર ગુજરાતના કચ્છ પ્રદેશનો છે. 18 ડિસેમ્બર 1994ના રોજ જન્મેલી રાધિકા મર્ચન્ટે ન્યૂયોર્કથી અભ્યાસ પૂર્ણ કર્યા બાદ ઈન્ડિયા ફર્સ્ટ ઓર્ગેનાઈઝેશનમાં ઈન્ટર્નશિપ કરી હતી. તેણે રિયલ એસ્ટેટ કંપની ઈસ્પ્રાવામાં જુનિયર સેલ્સ મેનેજર તરીકે પણ કામ કર્યું હતું. પરંતુ થોડા સમય પછી તે તેના ફેમિલી બિઝનેસમાં જોડાઈ ગઈ. તેઓ હાલમાં એન્કોર હેલ્થકેરમાં ડિરેક્ટર છે.

નીતા અંબાણી અને ઈશા અંબાણીની સૌથી વધુ નજીક છે રાધિકા મર્ચન્ટ

રાધિકા મર્ચન્ટ અંબાણી પરિવારની ખૂબ જ નજીક છે. રાધિકાનું નામ અનંત અંબાણી સાથે લાંબા સમયથી જોડાઈ રહ્યું છે અને સતત ચર્ચામાં રહ્યું છે. આ સિવાય રાધિકા મર્ચન્ટ ઘણા ફેમિલી ફંક્શનમાં નીતા અંબાણી સાથે જોવા મળી છે. રાધિકા મર્ચન્ટ મુકેશ અંબાણીની દીકરી ઈશા અંબાણીની પણ ખૂબ જ નજીક છે. ઘણા ફેમિલી ફંક્શનમાં રાધિકા અંબાણી સાથે પરિવાર તરીકે જોવા મળે છે.રાધિકા અને અનંતની સગાઈ થઈ ગઈ છે. ટૂંક સમયમાં જ બંને લગ્નના કરવા જઈ રહ્યા છે.