ઓઇલ માર્કેટિંગ કંપનીઓએ આજે મંગળવાર તારીખ 16 ઓગસ્ટ માટે પેટ્રોલ અને ડીઝલના નવા ભાવ(Petrol Diesel Price Today) જાહેર કર્યા છે. સતત 2 મહિનાથી વધુ સમયની જેમ આજે પણ પેટ્રોલ અને ડીઝલના ભાવમાં કોઈ ફેરફાર થયો નથી અને ભાવ સ્થિર રહ્યા છે. રાજધાની દિલ્હીમાં પેટ્રોલની કિંમત 96.72 રૂપિયા પ્રતિ લીટર છે. મુંબઈમાં એક લિટર પેટ્રોલની કિંમત 106.35 રૂપિયાપર સ્થિર છે. વૈશ્વિક બજારમાં છેલ્લા 24 કલાક દરમિયાન કાચા તેલ(Crude Oil)ની કિંમતોમાં મોટો ઘટાડો નોંધાયો છે. ચીનમાં ધીમી આર્થિક ગતિવિધિઓને કારણે ત્યાં ક્રૂડ ઓઈલનું પ્રોસેસિંગ માર્ચ 2020 પછીના સૌથી નીચા સ્તરે પહોંચી ગયું છે. તેની સીધી અસર વૈશ્વિક બજારમાં ક્રૂડની કિંમતો પર જોવા મળી હતી.
સરકારી ઓઈલ કંપનીઓએ પણ મંગળવારે સવારે પેટ્રોલ અને ડીઝલના નવા દર જાહેર કર્યા તેમાં કોઈ ફેરફાર કર્યો નથી. આજે પેટ્રોલ – ડીઝલની કિંમતોમાં કોઈ ફેરફાર થયો નથી. કંપનીઓએ છેલ્લી વખત 6 એપ્રિલે પેટ્રોલ અને ડીઝલના ભાવમાં વધારો કર્યો હતો. જો ક્રૂડ ઓઈલની વાત કરીએ તો છેલ્લા 24 કલાકમાં બ્રેન્ટ ક્રૂડની કિંમત લગભગ 4 ડોલર ઘટીને 93.96 ડોલર પ્રતિ બેરલ થઈ ગઈ છે જ્યારે WTI ત્રણ ડોલરથી વધુ ઘટીને 88.46 ડોલર પ્રતિ બેરલ થઈ ગઈ છે.
ગુજરાતમાં (Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.
City | Petrol | Diesel |
Ahmedabad | 96.42 | 92.17 |
Rajkot | 96.19 | 91.95 |
Surat | 96.31 | 92.07 |
Vadodara | 96.54 | 92.28 |
દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.
Published On - 8:15 am, Tue, 16 August 22