વૈશ્વિક બજારમાં છેલ્લા 24 કલાક દરમિયાન ક્રૂડ ઓઇલના ભાવમાં પ્રતિ બેરલ લગભગ 9 ડોલરનો ઘટાડો થયો છે. મંદીની અપેક્ષાએ ઈંધણનો વપરાશ ઘટવાનો અંદાજ મુકાયા બાદ આ ઘટાડો જોવા મળ્યો છે. દરમિયાન સરકારી ઓઈલ કંપનીઓએ બુધવારે સવારે જાહેર કરાયેલા પેટ્રોલ અને ડીઝલના છૂટક ભાવ (Petrol Diesel Price Today)માં કોઈ ફેરફાર કર્યો નથી. દિલ્હીમાં હજુ પણ પેટ્રોલ 96.72 રૂપિયા પ્રતિ લીટર મળી રહ્યું છે. કંપનીઓએ એપ્રિલથી તેના ભાવમાં વધારો કર્યો નથી જ્યારે એક સમયે ક્રૂડના ભાવ પ્રતિ બેરલ 140 ડોલર સુધી પહોંચી ગયા હતા. મંગળવારે સવારે બ્રેન્ટ ક્રૂડની કિંમત બેરલ દીઠ 113.8 ડોલર હતી જે આજે સવારે ઘટીને 105.4 ડોલર પ્રતિ બેરલ થઈ ગઈ છે. WTI ની કિંમત લગભગ 101 ડોલર પ્રતિ બેરલ છે.
ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.
City | Petrol | Diesel |
Ahmedabad | 96.42 | 92.17 |
Rajkot | 96.19 | 91.95 |
Surat | 96.31 | 92.07 |
Vadodara | 96.54 | 92.28 |
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.