Mutual Fund રોકાણકારોને 15 લાખ કરોડ ડૂબવાનો છે ભય, જાણો શું છે આખો મામલો

રોકાણકારોની સંસ્થા ચેન્નાઈ ફાઇનાન્શિયલ માર્કેટ્સ એન્ડ અકાઉન્ટબિલિટી (CFMA) એ સુપ્રીમ કોર્ટને વિનંતી કરી છે કે તેઓ ફ્રેન્કલિન ટેમ્પલટોન યોજનાઓ( Franklin Templeton Schemes)માં રોકાણ કરનારા રોકાણકારોને મદદ કરે. CSMA દાવો કરે છે કે 10 થી વધુ મ્યુચ્યુઅલ ફંડ (Mutual Fund) કંપનીઓની હાલત ફ્રેન્કલિન ટેમ્પલટનની સમાન હોઇ શકે છે, જેના કારણે રોકાણકારોને રૂ 15 લાખ કરોડનું નુકસાન થઇ શકે છે.

CFMA જારી કરેલા નિવેદનમાં કહ્યું છે કે વિવિધ મ્યુચ્યુઅલ ફંડ યોજનાઓના ત્રણ કરોડ યુનિટ ધારકો માટેની એકમાત્ર આશા કોર્ટ છે. તેમના દાવાની સમર્થન પાછળના સ્રોતની જાણકારી આપતાં CFMAએ જણાવ્યું હતું કે, “એવી જાણકરી મળી છે કે 10 થી વધુ મ્યુચ્યુઅલ ફંડ તેમના નુકસાનને યુનિટ હોલ્ડરો પર નાખવા માંગે છે”. તેઓ માત્ર સુપ્રીમ કોર્ટના નિર્ણયની રાહ જોઈ રહ્યા છે. આ મામલે સુપ્રીમ કોર્ટ વિવિધ અરજીઓ પર સુનાવણી કરી રહી છે.

23 એપ્રિલ 2020 ના રોજ છ યોજનાઓ બંધ કરવાની જાહેરાત થઈ હતી
એક અરજી કર્ણાટક હાઇકોર્ટના નિર્ણય સામે ફ્રેન્કલિન ટેમ્પલટન દ્વારા કરવામાં આવી છે. હાઇકોર્ટે કંપનીને રોકાણકારોની પૂર્વ સંમતિ વિના તેની લોન અથવા બોન્ડ યોજનાઓને બંધ કરવા પર પ્રતિબંધ મૂક્યો છે. બોન્ડ માર્કેટમાં નિકાસી દબાણ અને પ્રવાહિતાના અવરોધોને ટાંકીને ફ્રેન્કલિન ટેમ્પલટન MFએ 23 એપ્રિલ, 2020 ના રોજ તેની છ લોન યોજનાઓ બંધ કરવાની જાહેરાત કરી હતી.

રોકાણકારોના 28 હજાર કરોડ ફસાયેલા છે
કેપિટલ માર્કેટ રેગ્યુલેટર સેબીએ અનેક પ્રસંગોએ ફંડ હાઉસને રોકાણકારોના નાણાં જલ્દીથી પરત કરવા જણાવ્યું છે. એવું માનવામાં આવે છે કે લગભગ 28 હજાર કરોડ રૂપિયા કંપનીમાં ફસાયેલા છે. CFMA એ જણાવ્યું હતું કે ફ્રેન્કલિન ટેમ્પલટોન દ્વારા છ મ્યુચ્યુઅલ ફંડ યોજના અચાનક બંધ થવાને કારણે 3 લાખ રોકાણકારોના લગભગ 14,000 કરોડ રૂપિયા ડૂબી ગયા હતા. CFMA કહે છે કે કેટલીક અન્ય કંપનીઓ પણ આ જ લાઇન પર આગળ વધવા માંગે છે. તેથી કોર્ટે રોકાણકારોનું જીવન બચાવવું પડશે.