36 રૂપિયાના આ શેરે રોકાણકારોને આપ્યું 1700 ટકાથી વધુ વળતર, 1 લાખ રૂપિયાના 18.50 લાખ થયા

વર્ષ 2020માં દેશમાં કોવિડ-19 મહામારી (COVID-19 Pandemic) બાદ સ્થાનિક શેરબજારમાં ભારે વેચવાલી જોવા મળી હતી. જો કે, 23 માર્ચ 2020 ના રોજ તેની નીચી સપાટી બનાવ્યા પછી છેલ્લા બે વર્ષમાં તેણે મજબૂત પુનરાગમન કર્યું. આ દરમિયાન મોટી સંખ્યામાં શેર્સ મલ્ટિબેગર સ્ટોક્સની યાદીમાં જોડાયા. નાણાકીય વર્ષ 2022 માં 190 થી વધુ મલ્ટિબેગર શેરો બન્યા છે, જ્યારે છેલ્લા નાણાકીય વર્ષ 2021-22ના ચોથા ક્વાર્ટરમાં, 90 શેરોએ તેમના શેરધારકોને મલ્ટિબેગર વળતર આપ્યું છે. બોરોસિલ રિન્યુએબલ્સ લિમિટેડનો (Borosil Renewables Ltd) શેર પણ મલ્ટિબેગર શેરોની યાદીમાં છે. આ બે વર્ષમાં કંપનીનો સ્ટોક લગભગ 36 રૂપિયાથી વધીને 671.45 રૂપિયા થઈ ગયો છે. આ સમયગાળામાં તેમાં 1,765 ટકાનો વધારો થયો છે.