PF Balance: જો તમે એક કરતા વધારે કંપનીમાં કામ કર્યું છે, તો આ કામ જરૂરથી કરો, નહીં તો પૈસા ઉપાડવામાં થશે મુશ્કેલી

નોકરિયાત વર્ગ માટે પીએફ એકાઉન્ટ (PF Account) એ બચત કરવાની એક સારી રીત છે. ખાનગી કર્મચારીઓના પગારમાંથી પીએફ તરીકે એક રકમ કાપવામાં આવે છે, જે પીએફ ખાતામાં જમા કરવામાં આવે છે. પરંતુ, આવા ખાનગી કર્મચારીઓ ઘણીવાર તેમની નોકરી બદલતા રહે છે, તેથી તેઓએ પીએફ એકાઉન્ટ પર વિશેષ ધ્યાન આપવાની જરૂર છે.

ઘણી વખત પીએફ ધારકો પીએફ ખાતા પર ધ્યાન આપતા નથી, જ્યારે તેમને તેની જરૂર હોતી નથી. જ્યારે આ લોકોને પૈસાની જરૂર પડે છે, ત્યારે તેઓને મુશ્કેલી પડે છે. આ સ્થિતિમાં જો તમે એક કરતા વધારે કંપનીમાં કામ કર્યું છે અને તમારું પીએફ એકાઉન્ટ છે, તો તમારે સમયસર કેટલીક જરૂરી પ્રક્રિયાઓ પૂર્ણ કરવી જોઈએ. આમ કરવાથી, તમને જરૂરિયાતના સમયે મુશ્કેલીઓનો સામનો કરવો પડતો નથી અને તમે સરળતાથી તમારા પીએફ એકાઉન્ટમાંથી પૈસા ઉપાડી શકો છો.

જાણો જે લોકોએ એક કરતા વધુ વખત નોકરી બદલી છે, તેઓએ શું કરવું જોઈએ?

જ્યારે તમે જુદા જુદા સ્થળોએ કામ કરો છો, ત્યારે એક યુએનમાં પણ તમારા ઘણા એકાઉન્ટ્સ જનરેટ થાય છે, જે દરેક કંપની અનુસાર હોય છે. તેથી તમારે જૂના ખાતાને નવા ખાતામાં સ્થાનાંતરિત કરવું જરૂરી છે. તમે આ કાર્ય કરીને પૈસા ઉપાડો, ત્યારે જ તમે બધા ખાતામાંથી એક સાથે પૈસા ઉપાડવા માટે સક્ષમ છો. તમે આ માહિતી તમારા ખાતામાં ઇપીએફઓની સત્તાવાર વેબસાઇટ પર જોઈ શકો છો, તમારા કેટલા ખાતા છે, જેને મર્જ કરવાની જરૂર છે.

એકાઉન્ટ્સને કેવી રીતે મર્જ કરવું

બધા ખાતાઓના નાણાં એક ખાતામાં સ્થાનાંતરિત કરવા માટે, તમારે પહેલા બધા ખાતામાં નોકરી છોડવાની તારીખને અપડેટ કરવી પડશે, જેથી ઇપીએફઓને જાણ થઈ જાય કે તમે નોકરી છોડી દીધી છે. તમે ઇપીએફઓ વેબસાઇટમાં Manage વિકલ્પ પર જાઓ અને Mark Exit ના વિકલ્પ પર જાઓ અને વર્તમાન કંપની સિવાય તમામ કંપનીઓમાંથી નીકળવાની તારીખનો ઉલ્લેખ કરો.

ત્યારબાદ હોમ પેજમાં Online Services ઓપ્શન પર જઇ One Member- One EPF Account (Transfer Request) પર ક્લિક કરો. આ લિંક પર ક્લિક કર્યા પછી તમે તમારી વિગતો જોશો. આ પછી જણાવ્યા મુજબની પ્રક્રિયા કરો. અહી તમને હાલના અથવા પાછલા એમ્પ્લોયર પાસેથી મંજૂરી માટે કહેવામાં આવશે અને તમે કોની પાસેથી મંજૂરી મેળવવા માંગો છો તે પસંદ કરો.

આમાં તમે તમારી વિગતો ભરો અને તે પછી તમને માહિતી મળશે અને ઓટીપી દ્વારા પૈસા સરળતાથી ટ્રાન્સફર થઈ જશે. તમારે તેની જૂની કંપની અથવા નવી કંપની પાસેથી પુષ્ટિ લેવી પડશે. આ સ્થિતિમાં તમારે તમારા કરન્ટ એમ્પ્લોયરને જ ટીક કરો જેથી તમે હાલની કંપની સાથે સરળતાથી વાત કરી શકો. કારણ કે કંપનીની મંજૂરી બાદ જ ખાતામાં પૈસા ટ્રાન્સફર કરવામાં આવશે.

તે પ્રોસેસ થવામાં 7 થી 30 દિવસનો સમય લેશે. પહેલા ચાલુ કંપની તેને મંજૂરી આપશે અને ત્યારબાદ પીએફ એકાઉન્ટ તેની આગળ પ્રક્રિયા કરશે. ત્યારબાદ તેમાં 7 થી 30 દિવસનો સમય લાગી શકે છે.