HP Adhesives IPO: આજે ખુલ્યો ઈશ્યુ, રોકાણ પહેલા જાણો કંપની અને તેની યોજનાઓ વિશે વિગતવાર

HP Adhesives IPO: આ અઠવાડિયે દરરોજ એક IPO ખુલી રહયા છે. આજે બુધવારે મલ્ટી-પ્રોડક્ટ્સ, મલ્ટિ-કેટેગરી કન્ઝ્યુમર એડહેસિવ્સ અને સીલંટ બનાવતી કંપની HP Adhesivesનો IPO ખોલવામાં આવી રહ્યો છે. ઇશ્યૂ 17 ડિસેમ્બરે બંધ થશે. કંપનીની ઇશ્યૂ પ્રાઇસ બેન્ડ પ્રતિ શેર રૂ. 262-274 નક્કી કરવામાં આવી છે.

HP Adhesives આ IPOમાંથી રૂ. 126 કરોડ એકત્ર કરી રહી છે. આમાં રૂ 113.4 કરોડનો નવો ઈશ્યુ અને રૂ 12.5 કરોડના શેરનું વેચાણ ઓફર-ફોર-સેલ (OFS)માં કરવામાં આવશે. ઓફર ફોર સેલમાં કંપનીના શેરહોલ્ડર અંજના હરેશ મોટવાણી લગભગ 457,000 શેર વેચશે.

નિષ્ણાતોની સલાહ
બ્રોકરેજ હાઉસ Marwadi Shares and Finance આ કંપનીના શેર ખરીદવાની સલાહ આપી રહયા છે. સપ્ટેમ્બર 2021 સુધીમાં પોસ્ટ ઇશ્યૂના આધારે HP Adhesives નું P/E 49.23 છે અને તેથી તેનું માર્કેટ કેપ રૂ. 50.35 લાખ હશે. તેની હરીફ કંપનીઓમાં Pidilite Industries છે જે 89.75 P/E પર ટ્રેડ કરી રહી છે.

બ્રોકરેજ હાઉસ મારવાડી શેર્સ એન્ડ ફાઇનાન્સે તેના શેર ખરીદવાની સલાહ આપતા કહ્યું, “તે જાણીતી બ્રાન્ડ છે. આ સાથે તે હરીફ કંપનીઓની તુલનામાં વાજબી મૂલ્યાંકન પર ઉપલબ્ધ છે.

HP Adhesives ઉત્પાદનોની વિશાળ વિવિધતા પ્રદાન કરે છે. તે પીવીસી, સીપીવીસી અને યુપીવીસી સોલવન્ટ સિમેન્ટ, સિન્થેટિક રબર એડહેસિવ્સ, પીવીએ એડહેસિવ્સ, સિલિકોન એડહેસિવ્સ સહિત વિવિધ ઉત્પાદનોનું વેચાણ કરે છે. 30 સપ્ટેમ્બર 2021 સુધીમાં કંપનીનું વિતરણ નેટવર્ક 750 થી વધુ છે. આ સાથે કંપની પાસે દિલ્હી, કોલકાતા, બેંગ્લોર અને ઈન્દોરમાં 4 ડેપો અને 50,000 ડીલરો છે.

IPO ની વિશેષતાઓ –

• HP Adhesives ના IPOનો લગભગ 75% હિસ્સો ક્વોલિફાઇડ સંસ્થાકીય ખરીદદારો (QIBs), 15% બિન-સંસ્થાકીય રોકાણકારો માટે અને 10% છૂટક રોકાણકારો માટે આરક્ષિત છે.
• કંપની IPOની આવકનો ઉપયોગ તેની કાર્યકારી મૂડીની જરૂરિયાતોને પહોંચી વળવા મહારાષ્ટ્રના રાયગઢ જિલ્લાના નારંગી ગામમાં તેના ઉત્પાદન પ્લાન્ટના વિસ્તરણ અને નજીકમાં આવેલા અન્ય પ્લોટ પર વધારાના એકમો સ્થાપવા માટે કરશે.
• કંપની તેની હાલની પ્રોડક્ટ લાઇનની ક્ષમતા પણ વધારશે.
• રોકાણકારો ઓછામાં ઓછા 50 ઇક્વિટી શેરમાં બિડ લગાવી શકે છે અને ત્યારબાદ 50 શેરના ગુણાંકમાં રોક કરી શકે છે. છૂટક રોકાણકારો એક લોટ માટે લઘુત્તમ રૂ. 13,700 અને 14 લોટ માટે વધુમાં વધુ રૂ. 1,91,800નું રોકાણ કરી શકે છે.

HP Adhesive IPO Details

• IPO Opening Date Dec 15, 2021
• IPO Closing Date Dec 17, 2021
• Issue Type Book Built Issue IPO
• Face Value ₹10 per equity share
• IPO Price ₹262 to ₹274 per equity share
• Market Lot 50 Shares

આ પણ વાંચો :  IPO Update : Data Patterns IPO પ્રથમ દિવસે ભરાયો, જાણો શું છે Metro Brands અને Medplus IPO ની સ્થિતિ

આ પણ વાંચો :  Petrol Diesel Price Today : તમારા વાહનનું ઇંધણ સસ્તું થવાના મળી રહ્યા છે સંકેત, જાણો આજે 1 લીટર પેટ્રોલ – ડીઝલનો ભાવ શું છે?