Market Watch: સતત નવા રેકોર્ડ બનવનાર શેરબજારમાં આજે આ શેર્સ ઉપર રાખજો નજર, જે તમારું કિસ્મત પલ્ટી શકે છે !
શેરબજાર ગુરુવારે રેકોર્ડ સર્વોચ્ચ સપાટીએ બંધ થયું હતું. યુએસ માર્કેટનો જોબ ડેટા ગુરુવારે જાહેર થયો હતો. માર્ચ 2020 પછી બેરોજગારીનો આ સૌથી ઓછો આંકડો છે. આ સ્પષ્ટપણે દર્શાવે છે કે અર્થતંત્રની ગાડી પાટા પર છે. ગુરુવારે યુએસ માર્કેટમાં તેજી રહી હતી. તેની અસર આજે બજારમાં દેખાશે તેમ અનુમાન છે.
Market Watch: આજે આ સપ્તાહનું છેલ્લું ટ્રેડિંગ સેશન છે. શેરબજાર ગુરુવારે રેકોર્ડ સર્વોચ્ચ સપાટીએ બંધ થયું હતું. યુએસ માર્કેટનો જોબ ડેટા ગુરુવારે જાહેર થયો હતો. માર્ચ 2020 પછી બેરોજગારીનો આ સૌથી ઓછો આંકડો છે. આ સ્પષ્ટપણે દર્શાવે છે કે અર્થતંત્રની ગાડી પાટા પર છે. ગુરુવારે યુએસ માર્કેટમાં તેજી રહી હતી. તેની અસર આજે બજારમાં દેખાશે તેમ અનુમાન છે. આજે બજારમાં કયા શેર ઉપર નજર રાખવી જોઈએ અને કયા શેરો ચર્ચામાં છે તે વિશે જાણો.
Kaveri Seed Company
કાવેરી સીડ કંપનીએ તેના 3.19 લાખ શેર ખરીદ્યા છે. ગઈકાલે આ શેર 3.33 ટકા વધ્યો હતો. સ્ટોક રૂ 590 પર બંધ થયો હતો. આજે તેના પર નજર રાખી શકાય છે.
J&K Bank
જમ્મુ અને કાશ્મીર બેન્કે ઇક્વિટી શેર મૂડી મારફતે 1000 કરોડ રૂપિયા એકત્ર કરવાની જાહેરાત કરી છે. આ માટે બેંક નોન કન્વર્ટિબલ ડિબેન્ચર્સ જારી કરશે. ગુરુવારે શેર 0.80 ટકા વધ્યો હતો. આજે પણ આ સ્ટોક સારો દેખાવ કરી શકે છે તેના ઉપર નજર શકાય છે.
Adani Power અને Adani Transmission
અદાણી ગ્રુપના શેર અદાણી પાવર(Adani Power) અને અદાણી ટ્રાન્સમિશન(Adani Transmission)ના શેર છેલ્લા ઘણા ટ્રેડિંગ સત્રો માટે અપર સર્કિટ જોઈ રહ્યા છે. આવી સ્થિતિમાં રોકાણકારોએ પોતાના માટે યોગ્ય સમય અને લાભ મેળવવો જોઈએ.
Reliance Industries
રિલાયન્સનો સ્ટોક રૂ 2294 પર બંધ થયો હતો. ગુરુવારે ટ્રેડિંગ દરમિયાન, તે 2300 ની ઉપર પણ બંધ હતો. રિલાયન્સનો સ્ટોક ઓક્ટોબર 2020 પછી પ્રથમ વખત 2300 ની ઉપર બંધ થયો હતો. આજે પણ આ સ્ટોક પર નજર રાખો. આ સિવાય રિલાયન્સ રિટેલે જસ્ટ ડાયલમાં 25.35 ટકા હિસ્સો ખરીદ્યો છે. હવે તેનો હિસ્સો 40.98 ટકા છે.
આ બે કંપનીઓના IPO આજે બંધ થશે
રોકાણકારો 1 સપ્ટેમ્બરથી 3 સપ્ટેમ્બર સુધી બે IPOમાં રોકાણ કરી શકે છે. આ આઈપીઓની લિસ્ટિંગ 14 સપ્ટેમ્બરે થવાની ધારણા છે. કંપની કેવી છે અને નાણાંનું રોકાણ કરવું કે નહીં તે નિર્ણય લેવા કંપની વિશે માહિતી જાણવી જરૂરી છે.
એમી ઓર્ગેનિક્સ
એમી ઓર્ગેનિક્સ સુરત સ્થિત કંપની છે જે સ્પેશિયલ કેમિકલ્સનું ઉત્પાદન કરે છે. કંપનીની રચના વર્ષ 2004 માં કરવામાં આવી હતી. કંપની પાસે તેના પોર્ટફોલિયોમાં અનેક અદ્યતન ફાર્માસ્યુટિકલ ફોર્મ્યુલેશન અને API છે. અત્યાર સુધી કંપનીએ લગભગ 450 ફાર્માસ્યુટિકલ ઇન્ટરમીડિયેટ્સ વિકસાવી છે. એમી ઓર્ગેનિક્સના વિદેશમાં ગ્રાહકો પણ છે. કંપની અમેરિકા, ચીન, ઇઝરાયલ, જાપાન, ઉત્તર અમેરિકા વગેરેને તેના API પૂરા પાડે છે. પોર્ટફોલિયો મજબૂત છે.
વિજયા ડાયગ્નોસ્ટિક
વિજયા ડાયગ્નોસ્ટિક એક હેલ્થકેર ચેઇન છે. વિજયા ડાયગ્નોસ્ટિક તેના વિશાળ નેટવર્ક દ્વારા પેથોલોજી અને રેડિયોલોજી પરીક્ષણ સેવાઓ પૂરી પાડે છે. આંધ્રપ્રદેશ, તેલંગાણા, કોલકાતા અને એનસીઆરમાં તેના 80 ડાયગ્નોસ્ટિક સેન્ટર અને 11 પ્રયોગશાળાઓ છે. ગત નાણાકીય વર્ષમાં કંપનીનો નફો વધીને 84.91 કરોડ રૂપિયા થયો હતો જ્યારે કંપનીની આવક લગભગ 389 કરોડ રૂપિયા હતી.
નોંધ : અહેવાલનો હેતુ માત્ર માહિતી આપવાનો છે. રોકાણથી નફા કે નુકશાન સાથે અહેવાલનો કોઈ સંબંધ રહેશે નહિ. રોકાણ પહેલા આર્થિક સલાહકારની મદદ અવશ્ય લેવી.
આ પણ વાંચો : ફરી એકવાર Gautam Adani એશિયાના બીજા સૌથી ધનિક વ્યક્તિ બન્યા, આ મામલે તો તેમણે Mukesh Ambani ને પણ પાછળ છોડી દીધા