M&M ત્રણ કંપનીઓમાં વિભાજીત થઈ શકે છે, વેલ્યુ અનલોકિંગ અને રિસ્ટ્રક્ચરિંગ ઉપર કામ શરૂ કરાયું

દેશના દિગ્ગજ ઔદ્યોગિક જૂથ મહિન્દ્રા એન્ડ મહિન્દ્રા (M&M Group)માં મોટા ફેરફારના અહેવાલો સાંપડી રહ્યા છે. મહિન્દ્રામાં વેલ્યુ અનલોકિંગ (Value Unlocking In Mahindra) અને સમગ્ર ગ્રૂપમાં રિસ્ટ્રક્ચરિંગ માટેની તૈયારીઓ ચાલી રહી છે. અહેવાલો અનુસાર M&M ત્રણ કંપનીઓમાં વિભાજીત થઈ શકે છે. આ ઉપરાંત ગ્રુપ એગ્રી/ફાર્મ ઈક્વિપમેન્ટ બિઝનેસને અલગ કરવાની પણ યોજના ધરાવે છે. આ માટે કંપની નવી કંપની બનાવશે.

આ વ્યવસાયો ધીમે ધીમે અલગ થશે

ઇલેક્ટ્રિકલ વ્હીકલ મોબિલિટી સોલ્યુશન્સ(Mahindra Electric Mobility Solutions)બિઝનેસને ગ્રુપમાં અલગ કરી શકે છે. આ માટે કંપનીએ વૈશ્વિક સ્તરે ભાગીદારીનો વિકલ્પ પણ ખુલ્લો મુક્યો છે. કહેવાય છે કે કંપની ધીમે-ધીમે યુઝ્ડ કાર, એક્સેલો, ફર્સ્ટ ક્રાય, પોર્ટર બિઝનેસને અલગ કરશે. કંપની તેના વીમા વ્યવસાયને પણ વિભાજિત કરવાની યોજના ધરાવે છે. આ સમગ્ર ફેરબદલ માટે જૂથ બે થી ચાર થી પાંચ વર્ષની સમયમર્યાદા સાથે કામ કરી રહ્યું છે. જો કે તેનો રોડમેપ તૈયાર છે.

કંપનીના બોર્ડે રોડમેપ તૈયાર કર્યો

અનીશ શાહના નેતૃત્વ હેઠળ જૂથે જણાવ્યું છે કે તે દરેક વ્યવસાય માટે ઓછામાં ઓછા 18 ટકા ROE(return on equity)ની અપેક્ષા રાખે છે. જૂથ એક -એક વ્યવસાય પર ધ્યાન કેન્દ્રિત કરીને તેનું મૂલ્ય વધારવા માંગે છે.

જો તમે આ દિશામાં જુઓ તો મહિન્દ્રા એન્ડ મહિન્દ્રા કે જે અત્યારે ઘણા બધા બિઝનેસની હોલ્ડિંગ કંપની છે તેમાં કેટલાક મહત્વપૂર્ણ બિઝનેસ ડિમર્જર (m&m demerger) હશે અને પછી તેમની કિંમત અનલોક થઈ જશે. કંપનીના બોર્ડે આ મોટા ફેરફાર માટે રોડમેપ (mahindra restructuring road map) તૈયાર કર્યો છે.

ઓટો મુખ્ય વ્યવસાય

મહિન્દ્રા એન્ડ મહિન્દ્રાનો મુખ્ય વ્યવસાય ઓટોમોબાઈલ છે. ખાસ કરીને SUV તેમની તાકાત છે. કંપનીનું કહેવું છે કે તે હવે તેના પર ધ્યાન કેન્દ્રિત કરશે. જોકે, કંપની અલગથી ઈલેક્ટ્રિક વ્હીકલ બિઝનેસ શરૂ કરવાની યોજના બનાવી રહી છે. તે ભાગીદારોને પણ સામેલ કરવા માંગે છે. ટ્રેક્ટર ઉત્પાદક કંપની મહિન્દ્રા એન્ડ મહિન્દ્રા છે. આ કિસ્સામાં કંપનીને લાગે છે કે તેણે એગ્રી ઇક્વિપમેન્ટ બિઝનેસ પર ધ્યાન કેન્દ્રિત કરવાની જરૂર છે. કંપની આગામી બેથી પાંચ વર્ષમાં દરેક કંપનીને લિસ્ટ કરવાની તૈયારી કરી રહી છે.

આ પણ વાંચો : 2 અબજ વર્ષ પૂર્વે અસ્તિત્વ પામેલા Black Diamond ને હાંસલ કરવાની તમારી ઈચ્છા પુરી થઈ શકે છે,જોકે કિંમત સાંભળી વિચાર માંડી વાળવાનું મન થશે

આ પણ વાંચો : બજારમાં લેમિનેશનની દુકાનમાં Smart Aadhaar Card બનાવવું જોખમી સાબિત થઇ શકે છે, જાણો કઈ રીતે?