કરોડોની સંપત્તિના માલિક છે હેમંત સોરેન, તો પત્ની પણ છે કરોડપતિ, પોસ્ટ ઓફિસ અને LICમાં છે લાખોનું રોકાણ

ઝારખંડના મુખ્યમંત્રી હેમંત સોરેન હાલ ખૂબ ચર્ચામાં છે. કથિત જમીન છેતરપિંડી કેસમાં ED સોરેન સામે તપાસ કરી રહી છે. ત્યારે ઝારખંડ મુક્તિ મોરચા (JMM) નેતાની નેટવર્થ પર એક નજર કરીએ તો, ઝારખંડના સીએમ હેમંત સોરેન દ્વારા 2019ની ચૂંટણી પહેલા ચૂંટણી પંચને સોંપાયેલ એફિડેવિટમાં તેમની કુલ સંપત્તિ કરોડોમાં છે. MyNeta.com પર ઉપલબ્ધ માહિતી અનુસાર JMM નેતા અને શિબુ સોરેનના પુત્રની કુલ સંપત્તિ 8,51,74,195 રૂપિયા છે.

પોસ્ટ ઓફિસ અને LICમાં કરોડોનું રોકાણ

હેમંત સોરેને 2019માં તેમની કુલ સંપત્તિ 8 કરોડ રૂપિયા જાહેર કરી હતી. તેમના બેંક ખાતામાં લગભગ 25 લાખ રૂપિયા જમા છે. સોરેન અને તેમની પત્ની પાસે અંદાજે રૂ. 7,24,612ના શેર, બોન્ડ અને ડિબેન્ચર છે. જેએમએમના નેતાએ રૂ. 26,81,589 પોસ્ટ ઓફિસ યોજનાઓમાં તેમજ જીવન વીમા નિગમ અને ICICI યોજનાઓમાં રૂ.70,05,638નું રોકાણ કર્યું છે.

ઝારખંડના વર્તમાન મુખ્યમંત્રીએ તેમના ચૂંટણી સોગંદનામામાં 2,84,220 રૂપિયાની જવાબદારી જાહેર કરી હતી. તેમણે 2018-19માં તેમની અંગત આવક 13.37 લાખ રૂપિયા જાહેર કરી. 2019ની ચૂંટણીની એફિડેવિટ મુજબ, હેમંત સોરેન પાસે ટાટા સફારી કાર છે, જે તેમણે 13 લાખ રૂપિયામાં ખરીદી હતી અને એક હેચબેક કાર છે. સોરેનની પત્નીના નામે રજિસ્ટર્ડ મારુતિ સિયાઝ કાર છે.

એક ગ્રામ પણ સોનું નથી

જેએમએમના નેતાના નામે સોના-ચાંદીની કોઈ વસ્તુ નથી. એફિડેવિટ મુજબ સોરેનની પત્ની કલ્પના પાસે 24 લાખ રૂપિયાની કિંમતનું 655 ગ્રામ સોનું અને 9 લાખ રૂપિયાથી વધુની કિંમતની લગભગ 20 કિલો ચાંદી છે. તેમની પાસે 55,000 રૂપિયાની રાઈફલ પણ છે. ઝારખંડના વર્તમાન મુખ્યમંત્રી પાસે બોકારો અને અંગારા રાંચીમાં 22 લાખ રૂપિયાના બે પ્લોટ છે. તેમના નામે બોકારોમાં 75 લાખ રૂપિયાનું ઘર અને 19 લાખ રૂપિયાની અન્ય મિલકતો પણ છે. એફિડેવિટમાં જણાવાયું છે કે સોરેનની પત્ની 4,87,00,000 રૂપિયાની ત્રણ કોમર્શિયલ બિલ્ડિંગ ધરાવે છે.

આ પણ વાંચો દેશના કયા નાણામંત્રીઓ ક્યારેય બજેટ રજૂ કરી શક્યા ન હતા, જાણો શું હતું કારણ