૭ જુલાઈએ બે કંપનીઓ રોકાણ માટેની તક લાવી રહી છે. કોરોનાકાળ અર્થતંત્ર માટે ભલે ચિંતાજનક રહ્યું હોય પણ પ્રાથમિક બજારે આ સમયગાળા દરમ્યાન રોકાણકારોને સારો લાભ અપાવ્યો છે. ઇનિશિયલ પબ્લિક ઓફર IPO લાવનાર કંપનીઓ પણ સારું ભંડોળ એકત્રિત કરી શકી છે. આગામી સપ્તાહમાં વધુ બે કંપનીઓ રોકાણકારો માટે સારી તક લાવી રહી છે.
સ્પેશિયલ કેમિકલ્સ બનાવતી કંપની ક્લીન સાયન્સ એન્ડ ટેક્નોલજી (Clean Science and Technology) નો IPO આવી રહ્યો છે. આ આઇપીઓ 7 જુલાઈને બુધવારે રોકાણ માટે ખુલશે. આજ દિવસે જીઆર ઇન્ફ્રાપ્રોજેક્ટસ(GR Infraprojects) નો ઈશ્યુ પણ આવી રહ્યો છે. આ આઈપીઓ 9 જુલાઇ સુધી સબ્સ્ક્રિપ્શન માટે ખુલ્લા રહેશે.
Clean Science IPO
કંપનીના ઉત્પાદનો ક્યા છે ?
ક્લીન સાયન્સ ટેક એ MEHQ, BHA, એનીસોલ અને 4-MAP જેવા સ્પેશિયલ કેમિકલનું વિશ્વની સૌથી મોટી ઉત્પાદક છે. કંપની પર્ફોમન્સ કેમિકલ , FMCG કેમિકલ્સ તેમજ મેડિસિન્સ બનાવવામાં ઉપયોગમાં લેવામાં આવતા ફાર્મા કેમિકલ્સનું ઉત્પાદન પણ કરે છે.
IPO ઇશ્યૂ પ્રાઇસ
ક્લીન સાયન્સના ઇશ્યૂનો પ્રાઈસ બેન્ડ શેર દીઠ 880-890 રૂપિયા નક્કી કરાયો છે. કંપની આઇપીઓથી 1546.62 કરોડ રૂપિયા એકત્ર કરવાની યોજના ધરાવે છે. કંપનીનો ઇશ્યુ સંપૂર્ણ OFS માટે આપવામાં આવશે.
પ્રમોટર્સ કોણ છે?
કંપનીના હાલના પ્રમોટરો અશોક રામનરાયણ બૂબ, કૃષ્ણકુમાર રામનનારાયણ બૂબ, સિદ્ધાર્થ અશોક સિકચી અને પાર્શ અશોક મહેશ્વરી પોતાનો હિસ્સો વેચશે. આઇપીઓથી એકત્રિત કરવામાં આવેલા ફંડમાં કંપનીને હિસ્સો નહીં મળે. આ સંપૂર્ણ રકમ કંપનીના પ્રમોટરોને મળશે જે તેમનો હિસ્સો વેચી રહ્યા છે.
Clean Science & Technology IPO Details
Issue Dates : 7 – 9 July
Issue Size : ₹ 1,546.62 Crore
Price Band : ₹ 880 – 900
Bid Lot Size : 16 Shares
Application Amount : ₹ 14,400
Retail Quota : 35%
Registrar – Linkintime
GR Infraprojects IPO
GR Infraprojects નો IPO 7 જુલાઈએ ખુલશે. ઈન્ફ્રા કંપની આઈપીઓ દ્વારા 963 કરોડ રૂપિયા એકત્ર કરવાની યોજના ધરાવે છે. પ્રાઇસ બેન્ડ શેર દીઠ રૂ.828-837 નક્કી કર્યો છે. કંપનીના શેર BSE અને NSE બંને સ્ટોક એક્સચેંજ માં લિસ્ટ થશે.
1.15 કરોડ ઇક્વિટી શેર OFS દ્વારા જારી કરશે
IPOમાં ઓફર ફોર સેલ (OFS) દ્વારા રૂ 5 ની ફેસ વેલ્યુના 1.15 કરોડ ઇક્વિટી શેર જારી કરાશે. આ ઇક્વિટી શેર કંપનીના પ્રમોટરો અને હાલના રોકાણકારો દ્વારા જારી કરવામાં આવશે. કંપની આ પબ્લિક ઇશ્યૂ માટે કોઈ નવા શેર ઇશ્યૂ કરશે નહીં.
G R Infraprojects IPO Details
IPO Opening Date Jul 7, 2021
IPO Closing Date Jul 9, 2021
Issue Type Book Built Issue IPO
Face Value ₹5 per equity share
IPO Price ₹828 to ₹837 per equity share
Market Lot 17 Shares
Min Order Quantity 17 Shares