જો તમે બેંક લોકરનો ઉપયોગ કરો છો તો તમારે RBIનો નવો નિયમ જાણવો જોઈએ નહીંતર થઈ શકે છે મોટું નુકસાન
ભારતીય રિઝર્વ બેન્ક (RBI) દ્વારા બેન્કમાં લોકર સંબંધિત નવી માર્ગદર્શિકા જાહેર કરવામાં આવી છે. જે બેન્ક લોકર્સ માટે નવા નિયમો આજે 1 જાન્યુઆરી, 2022થી અમલમાં આવ્યા છે.
આજથી બેન્ક લોકર (Bank Locker) સંબંધિત નિયમો બદલાયા છે.જો તમે બેન્ક લોકરનો ઉપયોગ કરો છો તો આ ફેરફાર ધ્યાનમાં રહેવા જરૂરી છે. આજથી બેન્ક લોકર સંબંધિત નવા નિયમો લાગુ પડશે . વાસ્તવમાં ભારતીય રિઝર્વ બેન્ક (RBI) દ્વારા બેન્કમાં લોકર સંબંધિત નવી માર્ગદર્શિકા જાહેર કરવામાં આવી છે. જે બેન્ક લોકર્સ માટે નવા નિયમો આજે 1 જાન્યુઆરી, 2022થી અમલમાં આવ્યા છે.
લોકર લાંબા સમય સુધી બંધ નહિ રખાય
RBIના નવા નિર્દેશ મુજબ બેંકોને નિર્દેશ આપવામાં આવ્યો છે કે જો લાંબા સમયથી લોકર ખોલવામાં આવ્યું નથી તો બેંકો તેને ખોલી શકે છે. જો ગ્રાહક નિયમિતપણે લોકરને ચૂકવતો હોય તો પણ જો લોકર લાંબા સમયથી ખોલવામાં ન આવ્યું હોય તો તેને બેંક દ્વારા ખોલી શકાય છે.
લોકર ફાળવણીમાં પારદર્શિતા
આરબીઆઈએ બેન્કોને લોકર ફાળવણીમાં પારદર્શિતા સુનિશ્ચિત કરવાનો નિર્દેશ આપ્યો હતો. નવા નિયમ મુજબ બેન્કોની શાખા મુજબ લોકર ફાળવણીની માહિતી અને બેન્કોની વેઇટિંગ લિસ્ટ કોર બેન્કિંગ સિસ્ટમ સાથે જોડવામાં આવશે. માર્ગદર્શિકામાં કહેવામાં આવ્યું છે કે બેન્કોએ લોકર ફાળવણીની તમામ અરજીઓ માટે સ્વીકૃતિ આપવી પડશે. જો લોકર ફાળવણી માટે ઉપલબ્ધ ન હોય તો બેંકોએ ગ્રાહકોને વેઈટિંગ લિસ્ટ નંબર આપવો પડશે.
નવી માર્ગદર્શિકા મુજબ બેંકના હાલના ગ્રાહકો કે જેમણે લોકર સુવિધા માટે અરજી કરી છે અને જેઓ સીડીડી (Customer Due Diligence)ના ધોરણો સાથે સંપૂર્ણ રીતે સુસંગત છે, તેમને નીચે મુજબ સલામત ડિપોઝિટ લોકર/સલામત કસ્ટડી લેખને અનુસરીને સુવિધા આપી શકાય છે. નવા નિયમ મુજબ સેફ ડિપોઝિટ લોકર/સેફ કસ્ટડી આર્ટિકલની સુવિધા એવા ગ્રાહકોને આપી શકાય છે, જેમનો બેન્ક સાથે અન્ય કોઈ બેન્કિંગ રીલેશન નથી.
લોકરમાં મુકેલી ચીજ અંગે નિયમ
આરબીઆઈએ કહ્યું કે લોકર કરારમાં બેન્કો એવી કલમ સામેલ કરશે કે જેનાથી ગ્રાહકો પાસેથી લોકરમાં ગેરકાયદેસર કે ખતરનાક પદાર્થ કંઈપણ રાખવામાં આવશે નહીં એવી બાંહેધારી લઈ શકાય. જો બેંક કોઈ પણ ગ્રાહક દ્વારા સેફ ડિપોઝિટ લોકરમાં ગેરકાયદેસર અથવા ખતરનાક પદાર્થ જમા કરાવવાની શંકા હોય તો બેંકને આવા ગ્રાહક સામે યોગ્ય પગલાં લેવાનો અધિકાર છે.
લોકર ભાડા અંગે નિયમો
રિઝર્વ બેંકના નવા નિયમો હેઠળ બેંક કર્મચારીઓ દ્વારા આગ, ચોરી, મકાન ધરાશાયી અથવા છેતરપિંડીના કિસ્સામાં બેંકોની જવાબદારી તેના વાર્ષિક ભાડા સંબંધિત રહેશે. જો ગ્રાહક દ્વારા સતત ત્રણ વર્ષ સુધી લોકરનું ભાડું ચૂકવવામાં આવ્યું નથી તો બેંક યોગ્ય કાયદાકીય પ્રક્રિયાને અનુસરીને કોઈપણ લોકર ખોલી શકે છે.
હાલના ગ્લોબલાઈઝેશનના સમયમાં બેન્કોનો રોલ ઘણો મહત્વનો છે. સામાન્ય લોકોના જીવનમાં બેન્ક ખૂબ મહત્વનો ધરાવે છે. સ્થાનિકથી લઈને ઈન્ટરનેશનલ ટ્રાન્જેક્શનમાં બેંકોનો મહત્વ રોલ છે. લોકો ઘરોમાં પોતાની ચલ સંપત્તિ રાખવામાં સંકોચ કરે છે.
એટલું જ નહીં આપણે કેશલેસ ઈકોનોમી તરફ વધી રહ્યા છીએ. એવામાં એ વાત મહત્વની છે કે બેન્કિંગ ઈન્સ્ટિટ્યૂશન્સ માટે લોકર વગેરેની સર્વિસ ફરજિયાત જેવી થઈ ગઈ છે. ત્યારે રીઝર્વ બેન્કે નવા જાહેર કરેલા આ નવા નિયમો ગ્રાહકો અને બેન્કો માટે ખૂબ મહત્વના રહેશે.
આ પણ વાંચો : GOLD : વર્ષ 2022 માં સોનુ 55000 રૂપિયા સુધી પહોંચે તેવું અનુમાન, જાણો ઉછાળા પાછળના પરિબળ
