જો આ કાળજી નહીં રાખો તો બે મહિનામાં નકામો થઈ શકે છે સરકારી દસ્તાવેજ, વાંચો વિગતવાર અહેવાલ

પાન કાર્ડને આધાર કાર્ડ સાથે લિંક કરવાની છેલ્લી તારીખ નજીક આવી રહી છે. જો તમે 31 માર્ચ સુધીમાં તમારા પાન કાર્ડને આધાર કાર્ડ સાથે લિંક નહીં કરો તો મુશ્કેલીનો સામનો કરવો પડી શકે છે. આવકવેરા વિભાગે કહ્યું કે, આવકવેરા અધિનિયમ 1961 મુજબ તમામ પાન કાર્ડ ધારકો માટે તેને આધાર કાર્ડ સાથે લિંક કરવું જરૂરી છે. જો આમ નહીં કરવામાં આવે તો 1 એપ્રિલ 2023થી પાન કાર્ડનો કોઈ ઉપયોગ થશે નહીં. જો કે તમે તેને 31 માર્ચ પછી પણ લિંક કરી શકો છો પરંતુ તેના માટે તમારે દંડ તરીકે 1000 રૂપિયા ચૂકવવા પડશે. તમે www.incometax.gov.in પર જઈને તમારા પાન કાર્ડને આધાર કાર્ડ સાથે લિંક કરી શકો છો.

ઑફલાઇન કેવી રીતે લિંક કરવું

તમે આધાર અને PAN ને ઑફલાઇન લિંક કરી શકો છો. આધાર સાથે નોંધાયેલ તમારા મોબાઈલથી કોઈપણ PAN ઈશ્યુ કરનાર એજન્સી (NSDL અથવા UTIITSL) ને 567678 અથવા 56161 પર SMS મોકલો. તમારા SMSમાં આ ફોર્મેટનો ઉપયોગ કરો: UIDPAN <12-અંકનો આધાર> <10-અંકનો PAN>. ખાતરી કરો કે UIDPAN, તમારો આધાર નંબર અને તમારા PAN વચ્ચે અંતર છે.

 SMS દ્વારા PAN ને આધાર સાથે લિંક કરવા આ સ્ટેપ્સ અનુસરો

• 567678 અથવા 56161 પર SMS કરો. મેસેજ ફોર્મેટ UIDPAN(Space) 12 ડિજિટ આધાર કાર્ડ નંબર સ્પેસ 10 ડિજિટ પાન કાર્ડ નંબર
• હવે તમને પાન-આધાર કાર્ડના લિંકિંગ સ્ટેટસ સંબંધિત મેસેજ મળશે. જો તમારા આધાર અને પાન કાર્ડમાં જન્મ તારીખ એક જ હશે તો જ આ લિંક થશે.

ઇન્કમ ટેક્સની વેબસાઇટની મુલાકાત લઈને આ રીતે લિંક કરો

• જો તમે ઈન્કમ ટેક્સ વેબસાઈટ પર જઈને PAN અને આધારને લિંક કરવા ઈચ્છો છો તો પહેલા https://www.incometaxindiaefiling.gov.in પર જાઓ.
• સાઇટ પર ક્વિક લિંકમાં આધાર લિંકનો વિકલ્પ દેખાશે.
• એક નવું પેજ ખુલશે, જ્યાં તમારે તમારો PAN નંબર, આધાર કાર્ડ નંબર અને નામ દાખલ કરવાનું રહેશે.

જો આધાર કાર્ડને લગતી કોઈ સમસ્યા હોય તો આ નંબરને ડાયલ કરો

આધાર સંબંધિત કોઈપણ સમસ્યા માટે તમારે ફક્ત 1947 પર કૉલ કરવો પડશે અને તમારી બધી સમસ્યાઓ સરળતાથી હલ થઈ જશે. આ નંબર લગભગ 12 ભાષાઓમાં કામ કરે છે તેથી કોઈપણ રાજ્યના લોકો આ નંબર પર કૉલ કરીને સંપર્ક કરી શકે છે. આ નંબર ડાયલ કરીને તમે હિન્દી, અંગ્રેજી, તેલુગુ, કન્નડ, તમિલ, મલયાલમ, પંજાબી, ગુજરાતી, મરાઠી, ઉડિયા, બંગાળી, આસામી અને ઉર્દૂમાં વાત કરી શકો છો. આધાર માટે 1947 ડાયલ કરો તમારી પસંદગીની ભાષામાં વાતચીત કરી શકે છે.