HUL સ્ટોક સતત વધી રહ્યો છે, વધુ વૃદ્ધિની અપેક્ષા છે, શું તમે રોકાણ કર્યું છે?

શેરે 3 મહિના દરમિયાન 21 ટકા વળતર આપ્યું છે. બ્રોકરેજ હાઉસના અહેવાલ મુજબ તહેવારોની સિઝનમાં માંગમાં વધારો થઈ શકે છે, તેથી સ્ટોક પણ આગળ વધતો રહેશે.

HUL સ્ટોક સતત વધી રહ્યો છે, વધુ વૃદ્ધિની અપેક્ષા છે, શું તમે રોકાણ કર્યું છે?
HUL
TV9 GUJARATI

| Edited By: Dhinal Chavda

Sep 22, 2022 | 6:15 PM

FMCG સેક્ટરની દિગ્ગજ HULમાં છેલ્લા કેટલાક દિવસોથી તેજી જોવા મળી રહી છે. એક સપ્તાહમાં સેક્ટરના હેવીવેઈટમાં 5 ટકાનો વધારો થયો છે. તે જ સમયે સ્ટોક વધુ વધવાની ધારણા છે. વાસ્તવમાં કંપનીએ પહેલેથી જ એક અંદાજ આપ્યો છે કે કોરોના મહામારીમાંથી બહાર આવ્યા પછી આ વર્ષની તહેવારોની સીઝન ખૂબ જ શાનદાર હોઈ શકે છે અને કંપનીએ તકનો લાભ ઉઠાવવાની તૈયારી પણ શરૂ કરી દીધી છે.

સ્ટોક ક્યાં પહોંચ્યો

HULનો સ્ટોક સતત વધી રહ્યો છે. આજે શેર 2 ટકાથી વધુના વધારા સાથે 2682ના સ્તર પર પહોંચી ગયો છે. આ સ્ટોક 6 મહિના પહેલા 1993ના સ્તરે હતો એટલે કે રોકાણકારોને 6 મહિનામાં 34 ટકાથી વધુ વળતર મળ્યું છે. તે જ સમયે, શેરે 3 મહિનામાં 21 ટકાનું વળતર આપ્યું છે. વધારા સાથે, કંપનીનું કુલ બજાર મૂલ્ય રૂ. 6.3 લાખ કરોડને વટાવી ગયું છે. શેરની એક વર્ષની ઊંચી સપાટી 2839 છે અને વર્ષની નીચી સપાટી 1901 છે. એફએમસીજી સેક્ટર માટે સુધરતું સેન્ટિમેન્ટ શેરમાં ઉછાળાનું મુખ્ય કારણ છે. એક રિપોર્ટ અનુસાર ઓગસ્ટ મહિનામાં FMCG માર્કેટમાં જુલાઈની સરખામણીમાં 6 ટકાનો વધારો જોવા મળ્યો છે. જેના કારણે તહેવારોની સિઝનમાં સેક્ટરમાં વધુ સારું વેચાણ થઈ શકે તેવા સંકેતો મળ્યા છે.

સ્ટોક વૃદ્ધિની આગાહી

એચયુએલના સ્ટોકમાં હાલના લાભો પછી પણ વધુ વૃદ્ધિની અપેક્ષા છે. મનીકંટ્રોલના સમાચાર મુજબ નોમુરાએ અનુમાન લગાવ્યું છે કે બીજા ક્વાર્ટરમાં HULના વોલ્યુમમાં 4-5 ટકાનો વધારો થઈ શકે છે. બ્રોકરેજ હાઉસે 2,975ના ટાર્ગેટ સાથે સ્ટોક માટે રોકાણની સલાહ આપી છે. બીજી તરફ મેક્વેરીએ સ્ટોક માટે 3000નો ટાર્ગેટ આપ્યો છે. શેરખાને 2850ના ટાર્ગેટ સાથે શેરમાં રોકાણ કરવાની સલાહ પણ આપી છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati