‘ગ્રીન ઈન્ડિયા’ દેશના જીડીપીમાં બમ્પર ઉછાળો લાવશે અને કરોડો લોકોને રોજગારી મળશે, વૈશ્વિક થિંક ટેન્કનો દાવો
ભારત ચોખ્ખા શૂન્ય કાર્બન ઉત્સર્જન લક્ષ્ય તરફ આગળ વધી રહ્યું છે, દેશની જીડીપી 2050 સુધીમાં $ 406 બિલિયનનો વધારો કરશે અને 43 મિલિયનથી વધુ નોકરીઓની તકોનું સર્જન કરશે.
Green India: હાલમાં જ ગ્લાસગો ક્લાઈમેટ કોન્ફરન્સGlasgow (Climate Conference)માં પીએમ મોદીએ કહ્યું હતું કે 2070 સુધીમાં ભારત શૂન્ય કાર્બન ઉત્સર્જન ધરાવતો દેશ (country with zero carbon emissions)બની જશે. તેમણે કહ્યું કે 2030 સુધીમાં ભારત તેની 50 ટકા ઊર્જા રિન્યુએબલ સ્ત્રોતો(Renewable sources of energy)માંથી પેદા કરશે. ગ્લોબલ થિંક ટેન્ક ‘ઓબ્ઝર્વર રિસર્ચ ફાઉન્ડેશન’ (Observer Research Foundation) ના એક રિપોર્ટમાં એવું કહેવામાં આવ્યું છે કે ભારત ચોખ્ખા શૂન્ય કાર્બન ઉત્સર્જન લક્ષ્ય તરફ આગળ વધી રહ્યું છે, દેશની જીડીપી 2050 સુધીમાં $ 406 બિલિયનનો વધારો કરશે અને 43 મિલિયનથી વધુ નોકરીઓ(Employment)ની તકોનું સર્જન કરશે.
વડાપ્રધાન નરેન્દ્ર મોદી(PM Narendra Modi)એ તાજેતરમાં 2021 ક્લાઈમેટ ચેન્જ કોન્ફરન્સ, COP-26માં ભારત માટે 2070 સુધીમાં નેટ-ઝીરો ઉત્સર્જન લક્ષ્યની જાહેરાત કરી હતી. ઉપરાંત, ભારત 2030 સુધીમાં તેની ઓછી કાર્બન વીજળીની ક્ષમતાને 500 GW સુધી વધારવાનું અને 2030 સુધીમાં તેની 50 ટકા ઊર્જા જરૂરિયાતોને પુનઃપ્રાપ્ય ઉર્જામાંથી પૂરી કરવાનું લક્ષ્યાંક ધરાવે છે.
ઓબ્ઝર્વર રિસર્ચ ફાઉન્ડેશનના એક નિવેદનમાં કહેવામાં આવ્યું છે કે, “ભારતનું 2070નું નેટ-શૂન્ય કાર્બન ઉત્સર્જન લક્ષ્ય નોંધપાત્ર અને પ્રશંસનીય છે, પરંતુ તે અત્યંત મહત્વાકાંક્ષી પણ છે. રિપોર્ટ ‘શેપિંગ અવર ગ્રીન ફ્યુચર: પાથવેઝ એન્ડ પોલિસી ફોર એ નેટ-ઝીરો ટ્રાન્સફોર્મેશન’ સ્થાયીતા અને વૃદ્ધિના બે લક્ષ્યોને સંતુલિત કરતી વખતે આ પરિવર્તન તરફ આગળ વધવા માટે જરૂરી માળખાકીય ફેરફારો અને પ્રવેગકની રૂપરેખા આપે છે.
ઉત્સર્જન મુક્ત કાર અંગે નિર્ણય લેવાયો
અહીં બુધવારે ગ્લાસગોમાં યુનાઇટેડ નેશન્સ ક્લાઇમેટ કોન્ફરન્સની બાજુમાં, દેશો અને કંપનીઓના જૂથે 2040 સુધીમાં ઉત્સર્જન-મુક્ત કારનું લક્ષ્ય હાંસલ કરવાની યોજનાની જાહેરાત કરી. કેનેડા, ચિલી, ડેનમાર્ક, ભારત, ન્યુઝીલેન્ડ, પોલેન્ડ, સ્વીડન, તુર્કી અને યુકે જેવા દેશોએ તેને સમર્થન આપ્યું હતું. ફોર્ડ, જનરલ મોટર્સ, મર્સિડીઝ બેન્ઝ અને વોલ્વો કંપનીઓ અને અમેરિકાના ઘણા રાજ્યો અને શહેરોએ પણ આ પ્લાન પર હસ્તાક્ષર કર્યા છે. વોલ્વો જેવી કેટલીક કંપનીઓએ પહેલાથી જ કમ્બશન એન્જિનને ફેઝ આઉટ કરવાના લક્ષ્યો નક્કી કર્યા છે. કેટલાક દેશો સમાન એન્જિન-સંચાલિત ટ્રક અને બસોના ઉપયોગને તબક્કાવાર બંધ કરવાની પ્રતિજ્ઞા લઈ રહ્યા છે.
છેલ્લા સાત વર્ષમાં ક્ષમતા 17 ગણી વધી છે
ભારતે રવિવારે સંયુક્ત રાષ્ટ્ર ક્લાઈમેટ સમિટમાં કહ્યું કે દેશની સૌર ઉર્જા ક્ષમતા છેલ્લા સાત વર્ષમાં 17 ગણી વધીને 45,000 મેગાવોટ થઈ ગઈ છે. ભારતે ભારપૂર્વક જણાવ્યું હતું કે તે વૈશ્વિક વસ્તીના 17 ટકા હિસ્સો ધરાવે છે અને તેમ છતાં તેના કુલ ઉત્સર્જનના માત્ર ચાર ટકા છે.
