આવતા વર્ષે સોનાના વેપારીઓની આવકમાં 15% વૃદ્ધિની શક્યતા, માંગ સ્થિર રહેવાનું CRISIL નું અનુમાન
ક્રિસિલના જણાવ્યા અનુસાર સોનાના ઊંચા ભાવને કારણે આગામી નાણાકીય વર્ષ દરમિયાન વેપારીઓના ઓપરેટિંગ માર્જિનમાં સુધારો જોવા મળશે અને નાણાકીય વર્ષ 2023માં માર્જિનમાં 50 થી 70 બેસિસ પોઈન્ટ્સનો સુધારો થઈને 7.3-7.5 ટકા થઈ શકે છે.
રેટિંગ એજન્સી ક્રિસિલે(Crisil) જણાવ્યું હતું કે સોનાના ઝવેરાત(Gold jewellery)નું વેચાણ કરતા છૂટક વેપારીઓની આવકમાં આગામી નાણાકીય વર્ષમાં વૃદ્ધિ જોવા મળશે, જોકે વૃદ્ધિની ગતિ ચાલુ નાણાકીય વર્ષ કરતાં ઓછી રહેશે. ક્રિસિલના એક અહેવાલ(Crisil Report)મુજબ સ્થિર માંગ અને સતત ઊંચા સોના(gold)ના ભાવને કારણે 2022-23ના સમયગાળામાં સોનાના દાગીનાનું વેચાણ કરતા રિટેલર્સની આવકમાં 12 થી 15 ટકાનો વધારો થવાની સંભાવના છે. રિપોર્ટમાં કહેવામાં આવ્યું છે કે 2021-22 દરમિયાન સોનાના ઝવેરાતના રિટેલર્સની આવકમાં 20-22 ટકાનો વધારો થવાની ધારણા છે. આ કારણે ગયા વર્ષે કોવિડની ગંભીર અસર બિઝનેસ પર જોવા મળી હતી.
આગામી વર્ષ માટે અનુમાન શું છે?
ક્રિસિલના જણાવ્યા અનુસાર સોનાના ઊંચા ભાવને કારણે આગામી નાણાકીય વર્ષ દરમિયાન વેપારીઓના ઓપરેટિંગ માર્જિનમાં સુધારો જોવા મળશે અને નાણાકીય વર્ષ 2023માં માર્જિનમાં 50 થી 70 બેસિસ પોઈન્ટ્સનો સુધારો થઈને 7.3-7.5 ટકા થઈ શકે છે. તે જ સમયે આગામી નાણાકીય વર્ષમાં ઓપરેટિંગ નફો 12-15 ટકા વધી શકે છે. આને કારણે સંગઠિત ક્ષેત્રના ઝવેરીઓ માટેનું ધિરાણ આઉટલૂક આગામી નાણાકીય વર્ષમાં ‘સ્થિર’ રહેશે તેમ છતાં ઉચ્ચ મૂડીરોકાણ હોવા છતાં અહેવાલમાં જણાવાયું છે. આ તારણો ક્રિસિલ રેટિંગ્સ દ્વારા આવી 82 કંપનીઓના મૂલ્યાંકન પર મળી આવ્યા છે જે સેક્ટરની કુલ આવકમાં 40 ટકા હિસ્સો ધરાવે છે.
જ્વેલરીની માંગમાં સ્થિરતા રહેશે
ક્રિસિલે જણાવ્યું હતું કે આગામી નાણાકીય વર્ષમાં જ્વેલરીની માંગ સ્થિર રહેશે જ્યારે વોલ્યુમ 8-10 ટકા વધીને 600-650 ટનના પ્રી-પેન્ડેમિક સ્તરે પહોંચ્યું છે. કામકાજ સામાન્ય થવાની અસર, સ્ટોર્સની સંખ્યામાં વધારો અને સોનાના ભાવ માંગ પર જોવા મળશે. ક્રિસિલ રેટિંગ્સના વરિષ્ઠ નિર્દેશક અનુજ સેઠીએ જણાવ્યું હતું કે “આગામી નાણાકીય વર્ષમાં કમાણીમાં વૃદ્ધિ વધુ થઈ શકે છે, પરંતુ રશિયા-યુક્રેન સંઘર્ષની અસર જોવા મળી છે જેના કારણે સોનાના ભાવ પ્રતિ 10 ગ્રામ રૂ. 55,000 સુધી પહોંચી ગયા છે. હાલ કિંમતોમાં નજીવો ઘટાડો જોવા મળ્યો છે ત્યારે આગામી નાણાકીય વર્ષના પ્રથમ ત્રિમાસિક ગાળામાં અનિશ્ચિતતાના કારણે વોલ્યુમ વૃદ્ધિને અસર થવાની શક્યતા છે. મર્યાદિત ઈન્વેન્ટરી લાભો, ભાડા, સ્ટાફ અને જાહેરાતો પરના ઊંચા ખર્ચને કારણે ઓપરેટિંગ નફો દબાણ હેઠળ હોઈ શકે છે. માંગમાં સ્થિરતા સાથે વ્યાપાર વિસ્તરણ તેના પૂર્વ-મહામારીના સ્તરે પહોંચશે તેમ અહેવાલમાં જણાવાયું છે.
આ પણ વાંચો : ONGC નો 1.5 ટકા હિસ્સો વેચી સરકાર 3000 કરોડ એકત્રિત કરશે, 31 માર્ચ સુધી ખુલ્લી રહેશે OFS
આ પણ વાંચો : મોદીરાજમાં ડિફેન્સ સેક્ટરને FDIથી 3343 કરોડ મળ્યા, જોકે ગત વર્ષની સરખામણીએ કુલ FDIમાં 15%નો ઘટાડો થયો
