Gold Price Today : સોનુ 50 હજાર નીચે સરક્યું, શું હાલમાં છે રોકાણ માટેનો ઉત્તમ સમય? વાંચો નિષ્ણાતોનો અભિપ્રાય
આજે ગુરુવારે એમસીએક્સ પર 24 કેરેટ સોનું રૂ. 50,000 પ્રતિ દસ ગ્રામની નીચે આવી ગયું છે. આજે સવારે એમસીએક્સ ખૂલ્યા બાદ સોનું રૂ. 200 અથવા 0.40 ટકાથી વધુ ઘટ્યા બાદ પ્રતિ દસ ગ્રામ રૂ. 49,815.00ની આસપાસ ટ્રેડ થયું છે.
Gold Price Today : સોના-ચાંદીના ભાવમાં ભારે ઘટાડો જોવા મળી રહ્યો છે. આજે ગુરુવારે એમસીએક્સ પર 24 કેરેટ સોનું રૂ. 50,000 પ્રતિ દસ ગ્રામની નીચે આવી ગયું છે. આજે સવારે એમસીએક્સ ખૂલ્યા બાદ સોનું રૂ. 200 અથવા 0.40 ટકાથી વધુ ઘટ્યા બાદ પ્રતિ દસ ગ્રામ રૂ. 49,815.00ની આસપાસ ટ્રેડ થયું છે. તે જ સમયે, ચાંદી 0.25 ટકાથી વધુના ઘટાડા સાથે રૂ. 56,830.00 પ્રતિ કિલોગ્રામ પર ટ્રેડ કરી રહી છે. આજે કારોબારની શરૂઆત 49,942.૦૦ રૂપિયાથી થઇ હતી જે બાદમાં 49,811.૦૦ સુધી નીચલા સ્તરે સરકી ગયું હતું. કારોબારની શરૂઆત બાદ સોનુ પોતાની ચળકાટ દેખાડી શક્યું નથી. ગુજરાતમાં પણ આજે સોનાના ભાવમાં ઘટાડો નોંધાયો છે. દુબઈમાં 1 તોલા સોનાનો ભાવ 44418 રૂપિયા નોંધાયો છે.
| એક નજર આજના સોનાના ભાવ ઉપર | |
| MCX GOLD : 49813.00 -205.00 (-0.41%) – 09:35 વાગે | |
| ગુજરાતમાં 10 ગ્રામ સોનાના ભાવ આ મુજબ છે | |
| Ahmedavad | 51640 |
| Rajkot | 51670 |
| (Source : aaravbullion) | |
| દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે | |
| Chennai | 51270 |
| Mumbai | 50610 |
| Delhi | 50770 |
| Kolkata | 50610 |
| (Source : goodreturns) | |
| વિશ્વના દેશોમાં સોનાના ભાવ ઉપર કરો એક નજર | |
| Dubai | 44418 |
| USA | 43553 |
| Australia | 43486 |
| China | 43566 |
| (Source : goldpriceindia) | |
નિષ્ણાતોનો અભિપ્રાય
HDFCના વરિષ્ઠ વિશ્લેષક (કોમોડિટીઝ) તપન પટેલે જણાવ્યું હતું કે, “રૂપિયામાં નરમાશ છતાં દિલ્હીમાં 24 કેરેટનું સ્પોટ ગોલ્ડ 265 રૂપિયા પ્રતિ 10 ગ્રામ ઘટ્યું હતું, જે ગઈ રાત્રે કોમેક્સમાં થયેલા ઘટાડાનું પ્રતિબિંબ પાડે છે. બુધવારે ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો 30 પૈસા ઘટીને 79.47 (પ્રોવિઝનલ) પર બંધ થયો હતો.
મિસ્ડ કોલ દ્વારા સોનાનો રેટ જાણો
તમને જણાવી દઈએ કે તમે ઘરે બેઠા સોનાના રેટ સરળતાથી જાણી શકો છો. આ માટે તમારે માત્ર આ નંબર 8955664433 પર મિસ્ડ કોલ આપવો પડશે અને તમારા ફોન પર એક મેસેજ આવશે જેમાં તમે લેટેસ્ટ રેટ ચેક કરી શકો છો. હાલના સમયમાં સતત થઇ રહેલ વધારાથી કિંમત ધ્યાનમાં રહેવી જરૂરી છે.
22 અને 24 કેરેટ વચ્ચે શું તફાવત છે
24 કેરેટ સોનું 99.9% શુદ્ધ છે અને 22 કેરેટ લગભગ 91% શુદ્ધ છે. 22 કેરેટ સોનામાં તાંબુ, ચાંદી, ઝીંક જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે પરંતુ તેના ઘરેણાં બનાવી શકાતા નથી. તેથી જ મોટાભાગના દુકાનદારો 22 કેરેટમાં સોનું વેચે છે.