Free LPG Cylinder : હવે સરકાર આ લોકોને વર્ષમાં ૩ ફ્રી ગેસ સિલિન્ડર આપશે, જાણો કોને મળશે લાભ અને કઈ રીતે કરશો એપ્લાય

Free LPG Cylinder: ગેસ સિલિન્ડર (Gas Cylinder) ધારકો માટે સારા સમાચાર છે. જો તમે પણ ગેસ સિલિન્ડરનો ઉપયોગ કરો છો તો હવેથી સરકાર કેટલાક લોકોને 3 ફ્રી ગેસ સિલિન્ડર આપવાની જાહેરાત કરી રહી છે. ચાલો તમને જણાવીએ કે સરકાર ક્યા લોકોને વાર્ષિક 3 ફ્રી સિલિન્ડર આપવાની યોજના બનાવી રહી છે. નવી કેબિનેટની પ્રથમ બેઠકમાં ગોવા સરકારે રાજ્યના લોકો માટે મહત્વનો નિર્ણય લીધો છે. આ નિર્ણયમાં સરકારે રાજ્યના દરેક પરિવારને ત્રણ એલપીજી સિલિન્ડર મફતમાં આપવાની જાહેરાત કરી છે. ભાજપે તેના ઘોષણાપત્રમાં આ વચન આપ્યું હતું. નવી કેબિનેટની પ્રથમ બેઠકમાં મુખ્યમંત્રી પ્રમોદ સાવંતે આની જાહેરાત કરી છે. આ સિવાય તેણે પોતાના ટ્વિટર પર પણ ટ્વિટ કર્યું છે.

કેન્દ્ર સરકાર પણ મફત ગેસ સિલિન્ડર આપે છે

આ ઉપરાંત કેન્દ્ર સરકાર પ્રધાનમંત્રી ઉજ્જવલા યોજના (PMUY) હેઠળ દેશભરના લોકોને મફત ગેસ સિલિન્ડરની સુવિધા પૂરી પાડી રહી છે. આ યોજના હેઠળ સરકાર ગરીબ અને વંચિત પરિવારોને મફત ગેસ સિલિન્ડર આપે છે. સરકાર માને છે કે લાકડા, કોલસો, ગાયના છાણ વગેરે જેવા પરંપરાગત ઇંધણમાંથી નીકળતા ધુમાડાથી ગ્રામીણ મહિલાઓના સ્વાસ્થ્ય તેમજ પર્યાવરણ પર હાનિકારક અસરો પડે છે.

કેવી રીતે અરજી કરી શકાશે ?

તમને જણાવી દઈએ કે તમે પ્રધાનમંત્રી ઉજ્જવલા યોજનાની અરજી માટે ઓનલાઈન અરજી કરી શકો છો. તેની સત્તાવાર વેબસાઇટ pmujjwalayojana.com પર ક્લિક કરો. અહીં તમને એપ્લિકેશન ફોર્મ મળશે જે તમે ડાઉનલોડ કરી શકો છો. તે પછી આ ફોર્મ ભરો. આમાં તમારું નામ, જન્મ તારીખ, આવકની માહિતી વગેરે પૂછવામાં આવશે. આ બધી માહિતી ભરો અને તેને એલપીજી સેન્ટર પર સબમિટ કરો.

અરજી કરવા માટે આ દસ્તાવેજો જરૂરી છે-

• BPL કાર્ડ (BPL Card)
• આધાર કાર્ડ (Aadhaar Card)
• મોબાઇલ નંબર (Mobile Number)
• પાસપોર્ટ સાઈઝ ફોટો (Passport Size Photo)
• બેંક પાસબુકની નકલ (Bank Passbook)
• રેશન કાર્ડ (Ration Card)

આ પણ વાંચો : કઠોળ અને મસાલાની આયાત-નિકાસ કરનાર UMA Exports ના IPOને મળ્યો જબરદસ્ત પ્રતિસાદ, જાણો રોકાણ કરવું જોઈએ કે નહીં ?

આ પણ વાંચો : Opening Bell : મજબૂત વૈશ્વિક સંકેત સાથે શેરબજારની સારી શરૂઆત, Sensex અને Nifty માં અડધા ટકાનો પ્રારંભિક કારોબારમાં વધારો