અગ્રણી ઈ-કોમર્સ કંપની ફ્લિપકાર્ટ આદિત્ય બિરલા ફેશન એન્ડ રિટેલમાં 7.8 ટકા હિસ્સો ખરીદી રહી છે. આ ડીલ 1,500 કરોડ રૂપિયામાં થાય તેમ લાગી રહ્યું છે. સ્ટોક માર્કેટમાં રજૂ કરાયેલી માહિતી અનુસાર ફ્લિપકાર્ટ ABFRLના આ શેરની કિંમત 205 રૂપિયાના આધારે રોકાણ કરશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આદિત્ય બિરલા ફેશન એન્ડ રિટેલે પેન્ટાલુન્સ, એલન સોલી અને પીટર ઇંગ્લેન્ડ જેવા મોટા બ્રાન્ડ ધરાવે છે. સોદા પછી ABFRLમાં પ્રમોટર્સ અને પ્રમોટર્સ ગ્રુપનો હિસ્સો 55.13 ટકા થઈ જશે. આદિત્ય બિરલા ગ્રુપના અધ્યક્ષ કુમાર મંગલમ બિરલાએ ડીલ બાબતે કહ્યું હતું કે દેશના એપરલ ઉદ્યોગમાં વૃદ્ધિની મજબૂત સંભાવનાઓ છે. દેશનો એપરલ ઉદ્યોગ આવતા 5 વર્ષમાં 100 અબજનું થઈ શકે છે. આદિત્ય બિરલા ફેશન એન્ડ રિટેલે જણાવ્યું હતું કે તે સોદાના ભંડોળથી તેની બેલેન્સશીટ મજબૂત બનાવશે. કંપની આક્રમક રીતે વ્યવસાયને વિસ્તૃત કરવા માંગે છે.
શેરબજારમાં આજે આદિત્ય બિરલા ફેશન એન્ડ રિટેલે જોરદાર પ્રદર્શન કર્યું હતું. બોમ્બે સ્ટોક એક્સચેન્જ ઉપર બપોરે 1.30 વાગ્યે ABFRLના શેર ઈન્ટ્રાડે ટ્રેડિંગમાં 11.99 ટકાનો ઉછાળો લઈ 171.80 પર ટ્રેડ કર્યું હતું. આજનો કારોબાર પૂરો થયો, ત્યારે શેર થોડો નીચે ઉતરી 165 રૂપિયા ઉપર બંધ થયો હતો. આજના કારોબારમાં છેલ્લી સ્થિતિ મુજબ શેરમાં 7.49 ટકા લેખે 11.50 રૂપિયાની વૃદ્ધિ થઈ હતી. આજે છેલ્લા 6 મહિનાનો ઉચ્ચ સ્તર નોંધાયો હતો. કંપનીના શેર છેલ્લા 52 સપ્તાહમાં 281.31 રૂપિયાના ઉપરી સ્તર અને 95.69 રૂપિયાના નીચલી સપાટી સુધી પહોંચ્યો હતો.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો