Gujarati NewsBusiness। EPF withdrawal File COVID 19 Advance through UMANG App by following these easy steps
કોરોના ઈમરજન્સીમાં પૈસાની જરૂરીયાત છે ? ઉમંગ એપ દ્વારા EPFમાંથી આ સરળ રીતે ઉપાડી શકો છો રૂપિયા
આ જોગવાઈ હેઠળ, 3 મહિનાના મૂળ પગાર અને મોંઘવારી ભથ્થાની હદ સુધી બિન-રિફંડપાત્ર ઉપાડ અથવા EPF ખાતામાં સભ્યની થાપણોના 75 ટકા સુધી, જે ઓછું હોય તે પ્રદાન કરવામાં આવે છે.
At present, this facility is available to withdraw advance money up to double or twice (Symbolic Image)
દેશમાં કોવિડ-19ની લહેર વચ્ચે એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ તેના સભ્યોને પીએફ ખાતામાંથી (PF Account) પૈસા ઉપાડવાની મંજૂરી આપી છે. EPFO એ બીજી વેવમાં બે વાર નોન-રીફંડેબલ એડવાન્સ ઉપાડવાની સુવિધા આપી છે. જે સભ્યોએ અગાઉ COVID-19 એડવાન્સનો લાભ લીધો છે તેઓ હવે બીજા એડવાન્સ માટે પણ પસંદગી કરી શકે છે. બીજી કોવિડ-19 એડવાન્સનો લાભ લેવાની જોગવાઈ અને પ્રક્રિયા પ્રથમ એડવાન્સના (COVID-19 Advance) કિસ્સા જેવી જ છે. તમે ઘરે બેઠા ઉમંગ એપ દ્વારા થોડી સેકન્ડમાં પૈસા ઉપાડવાની પ્રક્રિયા પૂર્ણ કરી શકો છો. પ્રક્રિયા પૂરી થયા બાદ 3 દિવસમાં તમારા ખાતામાં પૈસા આવી જશે. તમને જણાવી દઈએ કે કોરોના મહામારીની પ્રથમ લહેર દરમિયાન સરકારે EPFમાંથી પૈસા ઉપાડવાની સુવિધા આપી હતી. પ્રધાનમંત્રી ગરીબ કલ્યાણ યોજના (PMGKY) હેઠળ પીએફ ખાતામાંથી ઉપાડની મંજૂરી આપવામાં આવી હતી.
આ જોગવાઈ હેઠળ, 3 મહિનાના મૂળ પગાર અને મોંઘવારી ભથ્થાની હદ સુધી બિન-રિફંડપાત્ર ઉપાડ અથવા EPF ખાતામાં સભ્યની થાપણોના 75 ટકા સુધી, જે ઓછું હોય તે પ્રદાન કરવામાં આવે છે. કોરોના દ્વારા સર્જાયેલી અનિશ્ચિતતા વચ્ચે, EPF સભ્યો હવે કોઈપણ કટોકટીની સ્થિતિમાં બમણી રકમ ઉપાડી શકશે. હાલમાં, આ સુવિધા ડબલ સુધી અથવા બે વખત એડવાન્સ મની ઉપાડવા સુધી ઉપલબ્ધ છે.
ઉમંગ એપમાંથી આ રીતે ઉપાડી શકો છો પૈસા
એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ ટ્વિટ કરીને સમજાવ્યું છે કે ઉમંગ એપ દ્વારા કોવિડ-19 એડવાન્સ કેવી રીતે ફાઈલ કરવું. EPFOએ એક વીડિયોમાં તેની સંપૂર્ણ પ્રક્રિયા જણાવી છે.
EPFમાંથી પૈસા ઉપાડવા માટે સૌથી પહેલા તમારા મોબાઈલમાં ‘ઉમંગ એપ’ ડાઉનલોડ કરો.
એપ્લિકેશન ડાઉનલોડ કર્યા પછી, ‘EPFO’ પર ક્લિક કરો.
‘Request for Advance (COVID-19)’ વિકલ્પને સિલેક્ટ કરો.
તમારું ‘UAN’ દાખલ કરો. ‘Get OTP’ પર ક્લિક કરો. તે પછી ‘OTP’ સબમિટ કરો અને ‘Login’ પર ક્લિક કરો.
સફળતાપૂર્વક લોગ ઇન કર્યા પછી, તમારો બેંક એકાઉન્ટ નંબર દાખલ કરો અને ડ્રોપ ડાઉન મેનૂમાંથી ‘Member ID’ પસંદ કરો. ‘Proceed for claim’ પર ક્લિક કરો.
તમારું ‘Address’ દાખલ કરો અને ‘Next’ પર ક્લિક કરો.
ડ્રોપ ડાઉન મેનુમાંથી ‘Form 31’ પસંદ કરો, ‘Amount of Advance Required’માં જરૂરી રકમ ભરો અને ‘Cheque Image’માં તમારી ચેકબુકનો ફોટોગ્રાફ અપલોડ કરો. ચેકની વિગતોમાં તમારું નામ, બેંક એકાઉન્ટ નંબર અને IFSC સ્પષ્ટપણે દેખાતું હોવું જોઈએ. ફોટો jpg અથવા pdf માં હોવો જોઈએ અને ફોટાની સાઈઝ 100kb સુધીની હોવી જોઈએ.
ડીક્લેરેશન બોક્સને ચેક કરો અને ‘Submit OTP’ બટન પર ક્લિક કરો. ‘Aadhaar OTP’ પ્રાપ્ત કર્યા પછી, ‘Submit’ બટન પર ક્લિક કરો. તમારું COVID-19 વિડ્રોલ ફોર્મ સફળતાપૂર્વક સબમિટ થઈ ગયું છે.
અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા
