GSTના દાયરામાં આવતાં જ દહીં, લસ્સી અને છાશ મોંઘા થશે, તેની સીધી અસર ગ્રાહકો પર પડશે

દેશના સામાન્ય લોકોને ટૂંક સમયમાં મોંઘવારીનો વધુ એક માર પડી શકે છે. કેન્દ્રીય નાણામંત્રી નિર્મલા સીતારમણ (Finance Minister Nirmala Sitharaman) ની અધ્યક્ષતામાં મળેલી GST કાઉન્સિલની 47મી બેઠકમાં કેટલીક ખાદ્ય ચીજવસ્તુઓ પર GSTમાંથી મુક્તિ દૂર કરવામાં આવી છે. GST કાઉન્સિલ (GST Council)ની બેઠકમાં લેવાયેલા આ નિર્ણય બાદ દૂધની બનાવટો જેવી કે પ્રી-પેકેજ, પ્રી-લેબલ્ડ દહીં, લસ્સી અને છાશ GSTના દાયરામાં આવશે. તમને જણાવી દઈએ કે અત્યાર સુધી આ ઉત્પાદનો પર કોઈપણ પ્રકારનો GST લાગતો ન હતો. કાઉન્સિલના આ નિર્ણય બાદ ડેરી કંપનીઓના ખર્ચમાં વધારો થશે, જેની સીધી અસર ગ્રાહકો પર પણ પડશે અને તેમણે દૂધની બનાવટો માટે પહેલા કરતા વધુ ભાવ ચૂકવવા પડશે.

મુક્તિ હેઠળ આવરી લેવામાં આવતી ખાદ્ય ચીજોમાં સુધારાની ભલામણ બાદ આ નિર્ણય લેવામાં આવ્યો છે. બેઠકમાં લેવાયેલા આ નિર્ણય અંગે GST કાઉન્સિલે જણાવ્યું હતું કે અત્યાર સુધી આવી ખાદ્ય ચીજવસ્તુઓ અને અનાજ પર કોઈપણ પ્રકારનો GST વસૂલવામાં આવતો ન હતો કારણ કે તેની કોઈ બ્રાન્ડિંગ નથી. લીગલ મેટ્રોલોજી એક્ટ હેઠળ, દહીં, લસ્સી અને છાશ જેવા પ્રી-પેકેજ, પ્રી-લેબલવાળા દૂધ ઉત્પાદનો સહિત પ્રી-પેકેજ, પ્રી-લેબલવાળા ઉત્પાદનોના છૂટક પેક પર મુક્તિના અવકાશમાં સુધારો કરવાની ભલામણ કરવામાં આવી હતી.

જેની સીધી અસર ગ્રાહકો પર પડશે

અનિરુદ્ધ જોશી, ICICI સિક્યોરિટીઝના સંશોધન વિશ્લેષકો, મનોજ મેનન, કરણ ભુવાનિયા અને પ્રાંજલ ગર્ગે તેમની સંશોધન નોંધમાં જણાવ્યું છે કે સરકાર આવા ઉત્પાદનો પર 5 ટકા GST વસૂલી શકે છે, જેના પર હાલમાં કોઈપણ પ્રકારનો GST ચૂકવવો પડતો નથી.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

તેમણે કહ્યું કે GST લાગુ થયા બાદ જ્યારે ડેરી કંપનીઓ પર ખર્ચનો બોજ વધશે ત્યારે તેઓ તેને ઘટાડવા માટે ઉત્પાદનોના ભાવમાં વધારો કરશે, જેના કારણે ગ્રાહકોને પહેલા કરતા વધુ પૈસા ખર્ચવા પડશે. તેમણે કહ્યું કે કોઈપણ ડેરી કંપનીની આવકમાં દહીં અને લસ્સીનો હિસ્સો 15 થી 25 ટકા છે.

નિષ્ણાતો કહે છે કે દહીં અને લસ્સી જેવા ડેરી ઉત્પાદનો પર 5 ટકા GST લાદવામાં આવ્યા બાદ કંપનીઓ ઇનપુટ ક્રેડિટ મેળવી શકશે. જેના કારણે તેની અસર 2 થી 3 ટકાની અંદર ઘટી જશે.