Corona : ફ્રાન્સ કરી શકે છે ભારત બાયોટેક Covaxinની ખરીદી

ફ્રાન્સ (France), બ્રાઝિલ પછી એવું બીજો દેશ બની શકે છે જે corona સામેની જંગમાં ભારતીય કંપની ભારત બાયોટેક દ્વારા બનાવવામાં આવેલ COVID-19ના Covixinની ખરીદી કરી શકે છે. જણાવી દઈએ કે ફ્રાન્સ કોરોના સંક્મણના વધતા જતા કેસો અને વેક્સીનની અછતના પડકાર સામે ઝઝૂમી રહ્યો છે. હજી સુધી ફ્રાન્સની માત્ર 5 ટકા વસ્તી વેક્સીન આપવામાં આવી છે. ફ્રાંસે ભારતીય કંપનીનો સંપર્ક કર્યો છે.

આખા વિશ્વને બાનમાં લેનાર કોરોનાના કહેરમાંથી બચવા દુનિયાભરના દેશ પ્રયત્નોમાં લાગ્યા છે. કોરોના સામે રક્ષણ મેળવવા વેક્સીન તૈયાર કરવામાં વિકસિત દેશો સાથે ભારતે પણ અહમ ભૂમિકા ભજવી છે જેના કારણે ભારત પાસેથી વેક્સીન મેળવવા દુનિયાભરના દેશો કતાર લગાવી રહ્યા છે.

ભારતમાં એક પછી એક સ્ટ્રેનઆવવા સાથે રોગચાળાની અસર હજુ યથાવત છે ત્યારે ફ્રાન્સમાં વધતા કેસથી ચિંતાનું મોજું ફરી વળ્યું છે. ફ્રાન્સની ઇમેન્યુઅલ મેક્રો (Emmanuel Macron) સરકાર પર વધુમાં વધુ વેક્સીન મેળવવા માટે દબાણમાં છે. આ દ્રષ્ટિકોણથી Covaxin ફ્રેન્ચ સરકાર માટે ફાયદાનો સોદો સાબિત થઈ શકે છે.

ફ્રાન્સના રાજદૂત (ambassador) ઇમેન્યુઅલ લેનાઇન (Emmanuel Lenain)એ 1 માર્ચે ભારત બાયોટેકના સીઈઓ Krishna Ella (ક્રિષ્ના ઇલ્લા) સાથે મુલાકાત કરી છે. આ મુલાકાત Krishna Ella હૈદરાબાદ સ્થિત ઑફિસમાં થઇ હતી. આ મીટિંગમાં નજીકના સમયમાં Covaxinની મોટી માત્રામાં ખરીદી પર ચર્ચા કરવામાં આવી હતી. આ વાતની જાણકારી આ મામલામાં સંબંધિત એક સૂત્રના હવાલાથી મળી છે.