ભારતીય શેરબજાર આજે મજબૂત સ્થિતિ સાથે બંધ થયા છે. આજનો કારોબાર પૂર્ણ થયો ત્યારે નિફ્ટી 13,749.25 ઊપર બંધ થયા જ્યારે સેન્સેક્સે 46,973.54 પર કારોબાર સમાપ્ત કર્યો હતો. આજના કારોબારમાં નિફ્ટીએ 13,771.75 સુધી પહોંચ્યો તો સેન્સેક્સ 47,053.40 ઉપર આજની સર્વોચ્ચ સપાટી દર્જ કરી હતી .
આજે સ્મૉલકેપ અને મિડકેપ શેરોમાં ખરીદારીનું વલણ જોવા મળ્યુ હતું. BSE મિડકેપ ઈન્ડેક્સ 0.06 ટકા વધીને 17,676.70 ના સ્તર પર બંધ થયો છે. બીએસઈના સ્મૉલકેપ ઈન્ડેક્સ પણ 0.59 ટકાની મજબૂતી દર્જ કરી 17,675.53 પર બંધ થયો છે.
ભારે વિદેશી રોકાણને કારણે શેર બજાર સતત 8 મા અઠવાડિયે વૃદ્ધિ દેખાડી રહ્યું છે. સેન્સેક્સ 529.36 પોઇન્ટ વધીને 46,973.54 ની સપાટીએ બંધ રહ્યો છે. ક્લોઝીંગની દ્રષ્ટિએ આ સ્તર સૂચકઆકનું ઉચ્ચતમ સ્તર છે. આ પહેલા 18 ડિસેમ્બરે BSE સેન્સેક્સ 46,960.69 ના સ્તર પર બંધ થયો હતો. આજે એક્સિસ બેંકનો ટોપ ગેઈનર રહ્યો હતો. શેર 3.04% વધીને 610.35 રૂપિયા પર બંધ થયો છે.
આજે સેન્સેક્સને રિલાયન્સ, એચડીએફસી, બજાજ, એસબીઆઇ અને હિન્દુસ્તાન યુનિલિવરના શેર તેજી તરફ દોર્યો હતો. નિફ્ટી બેંક ઈન્ડેક્સ 518 પોઇન્ટ વધીને 30,402.20 પર છે. નિફ્ટી મેટલ, ફાઇનાન્શિયલ અને ફાર્મા ઇન્ડેક્સ સારી લીડ સાથે બંધ થયા છે. નિફટી ઓલ ટાઈમ હાઈથી થોડી નીચે બંધ થયો છે. અગાઉ ક્લોઝીંગમાં નિફટી ઇન્ડેક્સનું ઉચ્ચતમ સ્તર 21 ડિસેમ્બરએ 13,777.50 હતું.
ભારતીય શેરબજારની છેલ્લી સ્થિતિ
બજાર સૂચકઆંક વૃદ્ધિ
સેન્સેક્સ 46,973.54 +529.36
નિફટી 13,749.25 +148.15
ભારતીય શેરબજારના સૂચકઆંકનો આજનો ઉતાર – ચઢાવ
સેન્સેક્સ
Open 46,743.49
High 47,053.40
Low 46,539.02
નિફટી
Open 13,672.15
High 13,771.75
Low 13,626.90
Published On - 4:36 pm, Thu, 24 December 20