Changes from 1 August :આજથી લાગુ પડ્યા આ મોટા ફેરફાર જેની તમારા ખિસ્સા પર પડશે સીધી અસર

આજે 1 ઓગસ્ટની તારીખ એટલે કે આજથી એક નવો મહિનો શરૂ થવા જઈ રહ્યો છે. આ નવા મહિનામાં આવા ઘણા મોટા ફેરફારો(Rules Changing From 1 August 2022) થવાના છે, જેની સીધી અસર તમારા ખિસ્સા પર પણ પડશે. આવી સ્થિતિમાં તમારા માટે આ ફેરફારો વિશે જાણવું મહત્વપૂર્ણ છે. નહીંતર તમારે નુકસાન સહન કરવું પડી શકે છે. આ ફેરફારમાં બેંક, ઇન્કમ ટેક્સ, ગેસ સિલિન્ડર સંબંધિત ફેરફારો સામેલ છે.  આ સાથે ઓગસ્ટ મહિને બેંકની ઘણી રજાઓ આવી રહી છે. આ રજાઓ વિશે પણ માહિતી હોવી જરૂરી છે. ચાલો 1 ઓગસ્ટથી થયેલા ફેરફારો વિશે વિગતવાર જાણીએ.

બેંક ઓફ બરોડામાં ચેક પેમેન્ટ સંબંધિત નિયમો બદલાશે

જો તમે બેંક ઓફ બરોડાના ગ્રાહક છો, તો 1લી ઓગસ્ટથી તમારા માટે એક મોટો ફેરફાર થવા જઈ રહ્યો છે. બેંકે તેના ચેક પેમેન્ટ સાથે જોડાયેલા નિયમોમાં મોટો ફેરફાર કર્યો છે જે આજથી લાગુ થવા જઈ રહ્યો છે. આરબીઆઈની સૂચના મુજબ તેમણે આ ફેરફારો કર્યા છે. બેંકે તેના ગ્રાહકોને કહ્યું છે કે 1 ઓગસ્ટથી 5 લાખ રૂપિયા કે તેથી વધુ રકમના ચેકની ચુકવણી પોઝિટિવ પે સિસ્ટમ અનુસાર થશે.

LPG સિલિન્ડર મોંઘા થઈ શકે છે

આજથી LPG સિલિન્ડરની કિંમત પણ વધી શકે છે.  દર મહિનાની પહેલી તારીખે સરકારી ઓઇલ માર્કેટિંગ કંપનીઓ ગ્રાહકો માટે ગેસ સિલિન્ડરની કિંમતો નક્કી કરે છે. આ વખતે તેઓ નક્કી કરશે કે એલપીજી સિલિન્ડરની કિંમતોમાં કોઈ ફેરફાર કરવામાં આવશે કે કેમ. આવી સ્થિતિમાં, શક્ય છે કે એલપીજી સિલિન્ડર ખરીદવું મોંઘું થઈ જાય. આજે એ નક્કી થશે કે એલપીજી સિલિન્ડર મોંઘું થશે કે સસ્તું કે પછી તેની કિંમતો યથાવત રહેશે.

ઇન્કમ ટેક્સ રિટર્ન ફાઈલ થશે નહિ

આવકવેરા રિટર્ન ભરવાની અંતિમ તારીખ 31 જુલાઈ, 2022 સુધી હતી. સરકારે તેને આગળ લઈ જવા માટે કોઈ જાહેરાત કરી નથી. આવી સ્થિતિમાં, જો તમે તમારું IT રિટર્ન ફાઇલ કરવાનું ચૂકી ગયા છો, તો તમારે મુશ્કેલીનો સામનો કરવો પડશે. આજે અથવા પછી IT રિટર્ન ફાઇલ કરવા બદલ તમને દંડ કરવામાં આવશે.

ચાલુ  મહિનામાં કુલ 17 દિવસ બેંકો બંધ રહેશે

જો તમારી પાસે બેંક સંબંધિત કોઈ મહત્વપૂર્ણ કામ હોય તો તેને ધ્યાનથી સાંભળો. આ મહિનામાં કુલ 17 દિવસ બેંકો બંધ રહેશે. ખરેખર, રિઝર્વ બેંક ઓફ ઈન્ડિયા એટલે કે આરબીઆઈ બેંકની રજાઓની યાદી બનાવે છે. આ યાદી  તેની સત્તાવાર વેબસાઇટ પર ઉપલબ્ધ છે. આ યાદી અનુસાર આ મહિનામાં 17 દિવસ બેંકમાં રજા રહેશે.

તમારે આ રજાઓને ધ્યાનથી જોવી જોઈએ, જેથી તમને ખબર પડે કે આ દિવસોમાં બેંક સંબંધિત કોઈ કામ થઈ શકશે નહીં. આ મહિનામાં રક્ષાબંધન, સ્વતંત્રતા દિવસ, મોહરમ, જન્માષ્ટમી અને ગણેશ ચતુર્થી જેવા મોટા તહેવારો પણ છે, જેના પર ઘણી જગ્યાએ બેંકો બંધ રહેશે. તો તમે આરબીઆઈની વેબસાઈટ પર જાઓ અને બેંકની રજાઓની યાદીને ધ્યાનથી જુઓ.