Rishabh Pant Breaking News : ક્રિકેટ રમવાની સાથે ઋષભ પંતે એવું તે શું કર્યું કે અંબાણી-અદાણી સાથે થઈ સરખામણી?
મુકેશ અંબાણી અને ગૌતમ અદાણી જેવા દિગ્ગજ ઉદ્યોગપતિઓની હરોળમાં હવે એક ક્રિકેટરનું નામ પણ ચર્ચામાં આવ્યું છે. ઋષભ પંતે એવું શું કર્યું કે તે અચાનક ચર્ચામાં આવી ગયો? જાણો પંત સાથે જોડાયેલી ચોંકાવનારી વાત...
ટીમ ઈન્ડિયાનો સ્ટાર ક્રિકેટર ઋષભ પંતને કોઈ પરિચયની જરૂર નથી. પોતાની આક્રમક બેટિંગ, વિકેટકીપિંગ અને મેદાન પરના આક્રમક અંદાજને કારણે પંતે ક્રિકેટ જગતમાં આગવું સ્થાન બનાવ્યું છે. ક્રિકેટ ઉપરાંત પંતની કમાણી અને સંપત્તિમાં પણ સતત વધારો થઈ રહ્યો છે. દેશમાં સૌથી વધુ આવકવેરો ચૂકવનાર વ્યક્તિઓ અને કંપનીઓ અંગે હંમેશા લોકોમાં ઉત્સુકતા રહે છે. સામાન્ય લોકો માટે એ જાણવું રસપ્રદ હોય છે કે મોટા ઉદ્યોગપતિઓ, કલાકારો કે ખેલાડીઓ કેટલો આવકવેરો ચૂકવે છે. રાજ્યવાર વાત કરીએ તો દરેક રાજ્યમાં મોટા કરદાતાઓની યાદી અલગ હોય છે.
આ ગણતરીમાં મહારાષ્ટ્રમાં મુકેશ અંબાણી, ગુજરાતમાં ગૌતમ અદાણી અને ઉત્તરાખંડમાં ઋષભ પંતનું નામ ચર્ચામાં આવ્યું છે. એક યુવાન ક્રિકેટર પોતાના રાજ્યમાં સૌથી વધુ વ્યક્તિગત કરદાતા બને તે ખરેખર નોંધપાત્ર બાબત છે.
ઋષભ પંત કેટલો ટેક્સ ચૂકવે છે?
ઉત્તરાખંડ આવકવેરા વિભાગના મુખ્ય કમિશનરે જણાવ્યુ છે કે ટીમ ઈન્ડિયાનો ક્રિકેટર ઋષભ પંત નાણાકીય વર્ષ 2025-26 માં 23.84 કરોડ રૂપિયાનો આવકવેરો ભરીને રાજ્યમાં સૌથી વધુ વ્યક્તિગત કરદાતા બન્યો છે. અહેવાલો અનુસાર, તે ગયા વર્ષે લગભગ 10.5 કરોડ રૂપિયાનો કર ચૂકવ્યો હતો. પંતની આવકના સ્ત્રોતોમાં BCCI, મેચ ફી, IPL, બ્રાન્ડ એન્ડોર્સમેન્ટ અને અન્ય વ્યાપારી બિઝનેસનો સમાવેશ થાય છે.
મુકેશ અંબાણી મહારાષ્ટ્રમાં
રિલાયન્સ ઇન્ડસ્ટ્રીઝના ચેરમેન મુકેશ અંબાણી મહારાષ્ટ્રમાં સૌથી વધુ વ્યક્તિગત કરદાતા છે. તેઓ લગભગ 637 કરોડ રૂપિયાનો કર ચૂકવે છે. અંબાણીની આવક રિલાયન્સ ઇન્ડસ્ટ્રીઝ, જિયો, રિલાયન્સ રિટેલ, પેટ્રોકેમિકલ્સ, ઓઇલ-ટુ-કેમિકલ્સ, ડિજિટલ સેવાઓ, મીડિયા અને ન્યૂ એનર્જી જેવા વ્યવસાયોમાંથી આવે છે. રિલાયન્સ ઇન્ડસ્ટ્રીઝ દેશની સૌથી મોટી કર ચૂકવતી કંપનીઓમાંની એક છે. નાણાકીય વર્ષ 2022-23માં, RIL એ સરકારને લગભગ 20,376 કરોડ રૂપિયાનો કર ચૂકવ્યો હતો.
ગુજરાતમાં ગૌતમ અદાણી
ગૌતમ અદાણીનું નામ ગુજરાતમાં સૌથી વધુ સાંભળવામાં આવે છે. તેમની કંપનીએ આવકવેરામાં લગભગ 74,945 કરોડ રૂપિયા ચૂકવ્યા હતા. નાણાકીય વર્ષ 2024-25માં અદાણી ગ્રુપ દ્વારા કુલ વૈશ્વિક કર અને અન્ય તિજોરીમાં યોગદાન આપવામાં આવ્યું હતું. આમાં 28,720 કરોડ રૂપિયાના પ્રત્યક્ષ કર, 45,407 કરોડ રૂપિયાના પરોક્ષ કર અને 818 કરોડ રૂપિયાના અન્ય ચૂકવણીનો સમાવેશ થાય છે. અદાણી ગ્રુપના વ્યવસાયોમાં બંદરો, વીજળી, ગ્રીન એનર્જી, એનર્જી ટ્રાન્સમિશન, સિટી ગેસ, સિમેન્ટ, ઇન્ફ્રાસ્ટ્રક્ચર, એરપોર્ટ અને અન્ય ક્ષેત્રોનો સમાવેશ થાય છે.
આ પણ વાંચો, Maharashtra Breaking News : દહી હંડીના ઉત્સવનો આનંદ શોકની છાયામાં ફેરવાયો! મુંબઈમાં બે ગોવિંદાના મોત, 306 ગોવિંદા ઘાયલ; 49ની સારવાર ચાલુ
