એશિયાઈ બજારોમાં આજે મિશ્ર પરંતુ એકંદરે સારો કારોબાર, એશિયાઈ બજાર વૃદ્ધિના સંકેત એસજીએક્સ નિફ્ટી 0.30% સુધી વધ્યો

વૈશ્વિક સંકેતોની આજે એશિયાઈ બજારો ઉપર અસર દેખાઈ રહી છે.એશિયાઈ બજારોમાં આજે મિશ્ર પરંતુ એકંદરે સારો કારોબાર જોવા મળી રહ્યો છે. જાપાનના બજાર નિક્કેઈ 326.29 અંક વધ્યા છે . સૂચકઆંક 1.42 ટકા વધીને 23,303.42 ના સ્તર જોવા મળી રહ્યા છે. એસજીએક્સ નિફ્ટી 33 અંક સાથે 0.28 ટકાનો વધારો નોંધાવી 11,668 ના સ્તર પર કારોબાર કરી રહ્યા છે. જો કે આજે સ્ટ્રેટ્સ ટાઇમ્સ 0.61 ટકા વધ્યો છે. જ્યારે હેંગ સેંગમાં 0.79 ટકા ઉછળો છે.

કોરિયાઈ બજાર કોસ્પી 0.95 ટકા મજબૂતીની સાથે 2,288.67 ના સ્તર પર નોંધાયો છે. તાઇવાન બજાર 0.43 ટકા ગગડીને કારોબાર કરી રહ્યા છે જ્યારે શંધાઈ કંપોઝિટ વૃદ્ધિ સાથે 3228.57 ના સ્તર પર દેખાઈ રહ્યા છે.

શુક્વારે વૈશ્વિક બજારોમાં વેચવાલી જોવા મળી હતી. અમેરિકામાં ડાઉજોન્સ , નેસ્ડેક માં પ્રોફિટ બુકિંગ જોવા મળ્યું હતું સાથે S&P ૫૦૦ ઇન્ડેક્સ ગગડ્યા હતા. યુરોપિયન બજારમાં પણ નરમાશ નોંધાઈ હતી. બ્રિટેનમાં FTSE, ફ્રાન્સ cac અને જર્મની DAX માં મિશ્રા પ્રતિસાદ જોવા મળ્યો હતો .