શું તમે Mutual Fund માં રોકાણ કરો છો?બદલાયેલ આ નિયમ ધ્યાનમાં રાખજો નહીંતર સમસ્યાનો સામનો કરવો પડશે, જાણો વિગતવાર

જો તમે મ્યુચ્યુઅલ ફંડ (Mutual Fund)માં રોકાણ કરો છો જે રિડીમ જેવા નાણાકીય વ્યવહારો કરવા માટે ઓનલાઈન પ્લેટફોર્મનો ઉપયોગ કરો છો, તો તમારા માટે આ મહત્વપૂર્ણ સમાચાર છે. 1 જૂનથી બદલાયેલા નિયમો અનુસાર હવે તમે આવા વ્યવહારો માત્ર ત્યારે જ કરી શકશો જો ટુ વે ફેક્ટર ઓથેન્ટિકેશન દ્વારા માન્ય હશે. આનો અર્થ એ છે કે રોકાણના રજિસ્ટર્ડ મોબાઈલ નંબર અથવા ઈમેલ આઈડી પર વન ટાઈમ પાસવર્ડ (OTP) મોકલવામાં આવશે. અને ટ્રાન્ઝેક્શનની પ્રક્રિયા પહેલા તેને દાખલ કરવું પડશે. મ્યુચ્યુઅલ ફંડ હાઉસ રોકાણકારોને આ જાણકારી આપતા ઈમેલ મોકલી રહ્યાં છે અને તેમને તેમના ફોલિયોમાં મોબાઈલ નંબર અપડેટ કરવા કહે છે. જેથી તેઓ વધુ રીડેમ્પશન અને સ્વિચ વગેરે કરી શકે.

આ ઉપરાંત મોતીલાલ ઓસ્વાલ મ્યુચ્યુઅલ ફંડ, મીરા એસેટ મ્યુચ્યુઅલ ફંડ વગેરેએ પણ રોકાણકારોને રીડેમ્પશન, સ્વિચ, STP અને SWP રજીસ્ટ્રેશન માટે ટુ વે ફેક્ટર ઓથેન્ટિકેશન વિશે જાણ કરતા ઈમેલ મોકલ્યા છે. OTP ગ્રાહકના રજિસ્ટર્ડ મોબાઈલ નંબર અને ઈમેલ એડ્રેસ પર મોકલવામાં આવશે. રોકાણો કે જેમનો મોબાઈલ નંબર તેમના મ્યુચ્યુઅલ ફંડ રોકાણમાં નોંધાયેલ નથી તેઓ નીચેની પદ્ધતિઓ દ્વારા આમ કરી શકે છે…

ફંડ હાઉસમાં  અરજી સબમિટ કરો

વ્યક્તિ દરેક જ્યાં તેનું રોકાણ હોય તે મ્યુચ્યુઅલ ફંડ હાઉસમાં અરજી સબમિટ કરી શકે છે. મ્યુચ્યુઅલ ફંડ હાઉસ તેમના રેકોર્ડમાં મોબાઈલ નંબર અપડેટ કરી શકે છે. એકવાર અપડેટ થઈ જાય પછી રોકાણકાર ઓનલાઈન વ્યવહાર કરી શકશે.

KYC  રેકોર્ડ્સ અપડેટ કરો

જો રોકાણકાર KYC રેકોર્ડ્સમાં તેનો મોબાઈલ નંબર અપડેટ કરે છે, તો જ્યાં પણ તેના મ્યુચ્યુઅલ ફંડ રોકાણો હોય ત્યાં તેઓ મોબાઈલ નંબર અપડેટ થશે. જો કે, ધ્યાનમાં રાખો કે અરજી સીધી મ્યુચ્યુઅલ ફંડ હાઉસમાં સબમિટ કરવા કરતાં તે સમય માંગી લે તેવી અને લાંબી પ્રક્રિયા છે.

CAMS દ્વારા વિગતો અપડેટ કરવી

CAMS  દ્વારા ઓનલાઈન મોબાઈલ નંબર અપડેટ કરવાની વિનંતી પણ સબમિટ કરી શકાય છે. તે જ કરવા માટેની લિંક આપવામાં આવી છે: https://www.camsonline.com/Investors/Service-requests/GoGreen/PAN-based-service-request

CAMS એ મ્યુચ્યુઅલ ફંડ હાઉસના રજિસ્ટ્રાર અને ટ્રાન્સફર એજન્ટ (RTA) છે, જેઓ મ્યુચ્યુઅલ ફંડ હાઉસ વતી રોકાણકારોના રેકોર્ડનું સંચાલન કરે છે. તેને અપડેટ કરવા માટે વ્યક્તિએ પોતાનો PAN નંબર અને મોબાઇલ નંબર અપડેટ કરવો પડશે. ધ્યાનમાં રાખો કે ઑનલાઇન પ્રક્રિયામાં રોકાણકારોને KYC વેરિફિકેશનનો પુરાવો સબમિટ કરવા માટે કહેવામાં આવશે.