4 મેના રોજ ભારતીય રિઝર્વ બેંકે(Reserve of India) રેપો રેટમાં 40 બેસિસ પોઈન્ટનો વધારો કર્યો હતો. વ્યાજદર 4 થી વધારીને 4.40 ટકા કર્યો હતો. રિઝર્વ બેંક દ્વારા રેપો રેટ(Repo Rate)માં વધારો કર્યા બાદ દેશની તમામ સરકારી અને ખાનગી બેંકોએ પણ લોન પર વસૂલાતા વ્યાજદરમાં વધારો કર્યો હતો. જોકે કેટલીક બેંકો 1 જૂનથી તેમના વ્યાજદરમાં વધારો કરશે. તમને જણાવી દઈએ કે જ્યારે પણ બેંકો લોન પર વસૂલવામાં આવતા વ્યાજના દરમાં વધારો કરે છે ત્યારે ગ્રાહકો પર EMIનો બોજ વધી જાય છે. જો તમે પણ તમારા સપનાનું ઘર ખરીદવા માટે હોમ લોન(Home Loan) લેવાનું વિચારી રહ્યા છો અને વ્યાજ દરોને લઈને મૂંઝવણમાં છો, તો અહીં અમે તમારી મૂંઝવણ દૂર કરવામાં મદદ કરીશું. અહીં અમે તમને જણાવીશું કે કઈ બેંક કયા દરે હોમ લોન આપી રહી છે.
Bank | Interest Rate (%) | Processing Fees | tenor (Year) |
SBI | 6.70-7.30 | 2 10 thousand | 1-30 |
Union Bank | 6.60 | – | 1-30 |
PNB | 6.75 | 0.25 – 0.50(%) | 1-30 |
LIC HFL | 6.90 | 0.25 (%) | 5-30 |
IDFC Home Loan | 6.50 | 5000+ tax | 5-30 |
BOB | 6.50 | 0.25 – 0.50 (%) | 30 |
Bank of Maharashtra | 6.40 | 0.25 (%) | 1-30 |
Kotak Mahindra Bank | 6.50-7.30 | 10000 +tax | 1-20 |
Canara Bank | 6.90-8.90 | 0.50 (%) | 30 |
ભારતમાં સરકારી અને ખાનગી બેંકો સિવાય ઘણી ફાઇનાન્સિંગ કંપનીઓ પણ હોમ લોન આપે છે. વર્તમાન સમયને ધ્યાનમાં રાખીને મોટાભાગની બેંકો તેમના ગ્રાહકોને ફ્લોટિંગ ઇન્ટરેસ્ટ રેટ ઓફર કરે છે. વાસ્તવમાં ફ્લોટિંગ ઇન્ટરેસ્ટ રેટ હેઠળ તમારી લોનનો વ્યાજ દર રિઝર્વ બેંકના રેપો રેટ પર આધાર રાખે છે. કહેવાનો સીધો અર્થ એ છે કે જેમ જેમ રેપો રેટ વધશે તેમ તેમ તમારી EMI પણ વધશે અને જેવી રિઝર્વ બેંક રેપો રેટમાં ઘટાડો કરશે તેમ તમારી EMI પણ ઘટશે.
તમે હોમ લોન અને તેનાથી સંબંધિત અન્ય વિગતો માટે તમારી બેંક શાખાનો પણ સંપર્ક કરી શકો છો. તમને જણાવી દઈએ કે હોમ લોનના વ્યાજ દર તમારા કામ, લોનની રકમ, લોનની મુદત પર આધાર રાખે છે. જો તમે નોકરી કરો છો તો તમારા હોમ લોનના વ્યાજ દરો ઓછા હોય છે જ્યારે બીજી તરફ જો તમારો પોતાનો વ્યવસાય હોય તો તમારે પગારદાર લોકો કરતા વધુ વ્યાજ ચૂકવવું પડે છે.
Published On - 7:40 am, Mon, 23 May 22