Axis Bank ના ગ્રાહકો માટે અગત્યના સમાચાર, બદલાયેલા આ નિયમ ધ્યાનમાં રાખજો નહીંતર નુકસાનનો સામનો કરવો પડશે
NACH નું પૂર્ણ સ્વરૂપ નેશનલ ઓટોમેટેડ ક્લિયરિંગ હાઉસ છે જે ભંડોળ જારી કરવા માટેનું પ્લેટફોર્મ છે. તે નેશનલ પેમેન્ટ કોર્પોરેશન ઓફ ઈન્ડિયા દ્વારા કરવામાં આવ્યું છે.
જો તમે એક્સિસ બેંક (Axis Bank) ના ગ્રાહક છો તો આ સમાચાર તમારા માટે અગત્યના છે. આ બેંકે તેનો ચાર્જ વધાર્યો છે. ઊંચી મોંઘવારીથી તમારા ખિસ્સા પર વધુ એક ભાર પડ્યો છે. જો તમે એક્સિસ બેંકના ખાતામાં મિનિમમ બેલેન્સ (Minimum Balance) જાળવી રાખતા નથી, તો તમારે પહેલા કરતાં વધુ ચૂકવણી કરવી પડશે. આ સંદર્ભમાં એક્સિસ બેંક તેના ગ્રાહકોને મેસેજ મોકલી રહી છે. મેસેજમાં કહેવામાં આવ્યું છે કે 1 જૂનથી નવા ચાર્જ લગાવવામાં આવશે. સેવિંગ્સ એકાઉન્ટ અને સેલેરી એકાઉન્ટ પર બેન્કિંગ અને નોન બેન્કિંગ સર્વિસ ચાર્જમાં વધારો કરવામાં આવ્યો છે. જો મહિનામાં મિનિમમ બેલેન્સ ખાતામાં નહીં રાખવામાં આવે તો તેનો ચાર્જ કાપી લેવામાં આવશે.
નવા નિયમ અનુસાર શહેરો અને ગ્રામીણ વિસ્તારોમાં એક્સિસ બેંક ખાતામાં માસિક લઘુત્તમ બેલેન્સ 15,000 રૂપિયાથી વધારીને 25000 રૂપિયા કરવામાં આવ્યું છે. ખાતામાં આવું બેલેન્સ ન રાખવા બદલ ચાર્જ લેવામાં આવશે. NACH હેઠળ ઓટો ડેબિટ નિષ્ફળ થવા પર પણ ચાર્જ વધારવામાં આવ્યો છે. આ ચાર્જ 1 જુલાઈથી લાગુ થશે. મેટ્રો શહેરોમાં મિનિમમ બેલેન્સ ન રાખવા પર 500 રૂપિયાને બદલે 600 રૂપિયા વસૂલવામાં આવશે. આ દર નગરોમાં 300 રૂપિયા અને ગામડાઓમાં 250 રૂપિયા કરવામાં આવ્યો છે.
NACH ફી વધારીને રૂ.500 કરવામાં આવી છે, ઓટો ડેબિટ નિષ્ફળ જવા પાર ચાર્જ રૂ.200 થી વધારીને રૂ.250 કરવામાં આવ્યો છે. ચેકબુકનો નવો નિયમ પણ જણાવવામાં આવ્યો છે. જો તમે ચેકમાં વધારાનું પેજ લો છો તો પહેલા 2.50 રૂપિયાના બદલે તમારે 4 રૂપિયા ચૂકવવા પડશે. પ્રથમ વખત NACH રિટર્નના 375 રૂપિયા, બીજી વખત 425 રૂપિયા અને ત્રીજી વખત 500 રૂપિયા ચાર્જ કરવામાં આવશે. ચેકબુક, NACH અને ઓટો ડેબિટનો નવો નિયમ 1 જુલાઈથી લાગુ થશે. પાસબુક અને ડુપ્લિકેટ પાસબુકની ભૌતિક વિગતો માટેનો ચાર્જ 75 રૂપિયાથી વધારીને 100 રૂપિયા કરવામાં આવ્યો છે.
NACH શું છે જેના ચાર્જમાં વધારો કરવામાં આવ્યો છે
NACH નું પૂર્ણ સ્વરૂપ નેશનલ ઓટોમેટેડ ક્લિયરિંગ હાઉસ છે જે ભંડોળ જારી કરવા માટેનું પ્લેટફોર્મ છે. તે નેશનલ પેમેન્ટ કોર્પોરેશન ઓફ ઈન્ડિયા દ્વારા કરવામાં આવ્યું છે. NACH એ બે બેંકો વચ્ચે ડબલ વેરિફિકેશન વગર એક ઓનલાઈન ઈલેક્ટ્રોનિક ફંડ ટ્રાન્સફર છે. આમાં લો અને હાઈ વેલ્યુ ફંડ ટ્રાન્સફર ઓટોમેટિક છે.
ધારો કે તમે આજે સ્વાસ્થ્ય વીમો લીધો છે અને તેને એક્સિસ બેંકની NACH સેવા સાથે લિંક કર્યો છે, તો વીમાનું પ્રીમિયમ નિયત તારીખે આપમેળે કપાઈ જશે. તમારે આ માટે કંઈ કરવાની જરૂર નથી. તેને ઓટો ડેબિટ સેવા પણ કહેવામાં આવે છે. એક્સિસ બેંકે ઓટો ડેબિટ ફેલ્યોર માટે ચાર્જ પહેલેથી જ વધારી દીધો છે. NACH પાસે ડેબિટ અને ક્રેડિટ બંને છે. NACH ટ્રાન્ઝેક્શન પણ આધાર અને મોબાઈલની મદદથી થાય છે.
Published On - 7:51 am, Mon, 30 May 22