Car Ho Toh Aisi : આ કાર ફાઈટર જેટ કરતા પણ ફાસ્ટ ચાલે છે? જુઓ Video
Car Ho Toh Aisi: એલોન મસ્કની ઈલેક્ટ્રિક કાર કંપની ટેસ્લાએ વિશ્વની સૌથી ઝડપી કાર લોન્ચ કરી છે. કંપનીએ ટેસ્લા મોડલ એસ પ્લેઈડ (Tesla Model S plaid) રજૂ કર્યું છે, જ્યાં તેની કિંમત 1,29,990 ડોલર એટલે કે અંદાજે 95 લાખ રૂપિયા નક્કી કરવામાં આવી છે. આ અત્યાર સુધીની સૌથી ઝડપી કાર હોવાનું કહેવાય છે, જે માત્ર બે સેકન્ડમાં 100 કિલોમીટર પ્રતિ કલાકની ઝડપે પહોંચી જાય છે.
Car Ho Toh Aisi: ટેસ્લા મોડલ એસ પ્લેઈડમાં (Tesla Model S plaid) 19 ઈંચના વ્હીલ્સ આપ્યા છે. ગ્રાહકો આ કાર માટે 21 ઈંચ વ્હીલનો વિકલ્પ પણ પસંદ કરી શકે છે. આ સૌથી ઝડપી કાર સિંગલ ચાર્જમાં 627 કિલોમીટર સુધીની રેન્જ આપે છે. ટેસ્લાનો દાવો છે કે કારના સુપરચાર્જરની મદદથી તેને 300 કિલોમીટર સુધીની મુસાફરી માટે માત્ર 15 મિનિટમાં ચાર્જ કરી શકાય છે.
ટેસ્લા મોડલ એસ પ્લેઈડમાં ત્રણ ઈલેક્ટ્રિક મોટર્સ ઈન્સ્ટોલ કરવામાં આવી છે, જે 1020 હોર્સપાવર જનરેટ કરે છે. આ કાર માત્ર બે સેકન્ડમાં 0 થી 100kmphની ઝડપ પકડી શકે છે. ટેસ્લાના સીઈઓ એલોન મસ્કના જણાવ્યા મુજબ તે પોર્શ કરતા ઝડપી અને વોલ્વો કરતા વધુ સુરક્ષિત છે. આ કારની ટોપ સ્પીડ 321 કિમી પ્રતિ કલાક છે.
અહીં જુઓ વીડિયો
(Video Credit: Supercar Blondie You Tube)
ટેસ્લા મોડલ એસ પ્લેઈડ કારની કિંમત લોન્ચ પહેલા જ વધારી દેવામાં આવી છે. આ સાથે કંપનીના કેટલાક અન્ય કારના મોડલ પણ મોંઘા થઈ ગયા છે. ટેસ્લાની આ ઝડપી કાર પોર્શે અને મર્સિડીઝ બેન્ઝની લક્ઝરી કાર સાથે ટક્કર આપે છે, જે પોતાની ઝડપી ગતિ માટે વિશ્વ પ્રસિદ્ધ છે.
આ પણ વાંચો: Car Ho Toh Aisi: માત્ર રોડ પર જ નહીં, પરંતુ પાણીમાં પણ ચાલશે આ કાર? જુઓ Video
ઓટોમોબાઈલ્સના તમામ સમાચાર વાંચવા માટે અહીં ક્લિક કરો