ભારત અને ચીન વચ્ચે ચાલી રહેલા ડિજિટલ યુદ્ધના કારણે યુવાઓની ફેવરીટ ગેમ PUBG પ્રતિબંધીત કરી દેવામાં આવી હતી. PUBG દુનિયાની સૌથી પોપ્યુલર બેટલ ગેમ્સમાંની એક છે. થોડા સમય પહેલા જ PUBG કોર્પોરેશને ભારતમાં પબજી રિલોન્ચ કરવાની ઘોષણા કરી છે. હવે ભારતમાં PUBG મોબાઈલ દ્વારા લોન્ચને લઈને ફેન્સ ખૂબ ઉત્સાહિત છે. કંપનીની અધિકૃત વેબસાઈટ પર પણ ‘Coming Soon’ લખેલું જોવા મળે છે. એક અહેવાલ મુજબ કંપની ડિસેમ્બરના પહેલા અઠવાડીયામાં આ ગેમને રિલોન્ચ કરી શકે છે. રિપોર્ટ મુજબ 1 ડિસેમ્બરથી 5 ડિસેમ્બરની વચ્ચે કંપની ગેમને લોન્ચ કરી શકે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ચીની એપ પર પ્રતિબંધ લગાવવાની પ્રક્રિયા ભારતે સૌથી પહેલા જૂન મહિનાના અંતમાં ટીકટોક, હેલો સહિત 59 ચાઈનીઝ એપ પર પ્રતિબંધ લગાવીને કરી હતી. ત્યારબાદ જુલાઈના અંતમાં 47 અન્ય એપ્સના ભારતમાં ઉપયોગ પર પ્રતિબંધ લગાવાયો હતો. 2 સપ્ટેમ્બરે સરકારે PUBG સહિત 118 મોબાઈલ એપ્સ પર પ્રતિબંધ મુક્યો હતો.PUBG ઈન્ડિયા ભારતમાં રજીસ્ટર્ડ કંપની છે. થોડા સમય પહેલા જ ખબરો આવી હતી કે PUBG INDIA કંપનીના રજીસ્ટ્રેશનને સરકાર તરફથી મંજૂરી મળી ગઈ છે અને ગેમ જલ્દી લોન્ચ થઈ શકે છે. PUBG ઈન્ડિયા પ્રા.લી. હવે ભારતમાં રજીસ્ટર્ડ કંપની બની ગઈ છે. 20 નવેમ્બર, 2020ના રોજ કર્ણાટકમાં બનેલી PUBG ઈન્ડિયા, PUBG કોર્પોરેશનની ભારતીય સબ્સીડરી કંપની છે.
YT રોચક VIDEO જોવા માટે TV9Gujaratiના YOUTUBE પેજને SUBSCRIBE કરો