USAના કેલિફોર્નિયામાં BAPS સ્વામિનારાયણ મંદિરમાં તોડફોડ, ભારતે કરી આકરી નિંદા

અમેરિકાના કેલિફોર્નિયાના ચિનો હિલ્સ સ્થિત બોચાસણવાસી અક્ષર પુરુષોત્તમ સ્વામિનારાયણ સંસ્થા (BAPS)ના મંદિરમાં અજાણ્યા લોકોએ તોડફોડ કરી છે. આ ઘટનાએ અમેરિકામાં હિંદુઓ વિરુદ્ધ વધી રહેલી હિંસાનો પર્દાફાશ કર્યો છે અને મંદિરોની સુરક્ષા કરવામાં નિષ્ફળ રહેલી અમેરિકન પોલીસ પર અનેક સવાલો ઉભા કર્યા છે.

BAPS માં તોડફોડ અંગે, ‘BAPS પબ્લિક અફેર્સ’ એ સોશિયલ મીડિયા પ્લેટફોર્મ X પર કહ્યું, “બીજા મંદિરને અપવિત્ર કરવામાં આવ્યુ. આ વખતે આ ઘટના કેલિફોર્નિયાના ચિનો હિલ્સમાં બની છે. હિંદુ સમુદાય નફરત સામે મજબૂત રીતે ઉભો છે. “ચીનો હિલ્સ અને સધર્ન કેલિફોર્નિયાનો સમુદાય એકસાથે ઉભો છે અને અમે ક્યારેય નફરતને મૂળિયાં બનવા દઈશું નહીં.” પોસ્ટમાં એમ પણ કહેવામાં આવ્યું છે કે આપણી સામાન્ય માનવતા અને વિશ્વાસ એ સુનિશ્ચિત કરશે કે શાંતિ અને કરુણા પ્રવર્તે.

ભારત સરકારની આકરી પ્રતિક્રિયા

ભારત સરકારે પણ મંદિર પરના આ હુમલાનો ખુલ્લેઆમ વિરોધ કર્યો છે. વિદેશ મંત્રાલયે રવિવારે આ ‘જઘન્ય કૃત્ય’ની સખત નિંદા કરી હતી. એક સત્તાવાર નિવેદનમાં, મંત્રાલયે સ્થાનિક કાયદા અમલીકરણ અધિકારીઓને આ કૃત્યો માટે જવાબદાર લોકો સામે કડક પગલાં લેવા અને પૂજા સ્થાનોની પૂરતી સુરક્ષા સુનિશ્ચિત કરવા માટે આહ્વાન કર્યું છે.