રેડ દરમિયાન સરકારી અધિકારીના ઘરની પાઈપલાઈનમાંથી નોટોના બંડલ નીકળતા ACBની આંખો ફાટી ગઈ, જુઓ વિડીયો

કર્ણાટકના એન્ટી કરપ્શન બ્યુરોના કુલ 503 અધિકારીઓએ રાજ્યમાં 68 અલગ-અલગ સ્થળોએ દરોડા પાડ્યા હતા. અપ્રમાણસર સંપત્તિના કેસમાં કર્ણાટક સરકારના 15 અધિકારીઓ સામે દરોડા પાડવામાં આવ્યા હતા.

KARNATAK : અત્યાર સુધી તમે પાણીની પાઈપ લાઈનમાંથી પાણી નીકળતા તો બહું જોયું હશે, પરંતુ અમે જે બતાવવા જઈ રહ્યા છીએ તે નિહાળી તમે ચોંકી જશો. પ્રથમવાર પાણીની લાઈનમાંથી પાણી નહીં પરંતુ પૈસા નીકળી રહ્યા છે.ખરેખરે આ ઘટના કર્ણાટકની છે.કર્ણાટકના કુલબુર્ગીમાં એન્ટી કરપ્શનની ટીમે PWD વિભાગના એક એન્જિનિયરિંગના ઘરે દરોડા પાડ્યા હતા. આ દરમિયાન ACBને પાણીની પાઇપ લાઈનમાંથી રૂપિયા મળ્યા.. ઘરના ડ્રેનજના પાઈપ તોડ્યા તો 500-500 રૂપિયાની નોટોના બંડલ નીકળ્યા.5-10 હજાર રૂપિયા નહીં પરંતુ 13 લાખ રૂપિયા નીકળ્યા.

ઘરમાંથી કુલ 54 લાખ રૂપિયા મળી આવ્યા.દ્રશ્યોમાં જોઈ શકાય છે કે, ACBના અધિકારી પાઈપમાંથી રૂપિયા કાઢતા કાઢતા થાકી ગયા.500ની નોટના બંડલથી ડોલ ભરાઈ ગઈ અને નોટો નીકળતી રહી. સરકારી અધિકારીના ઘરમાંથી એટલા બધા નાણા નીકળ્યા કે લોકો હેરાન થઈ ગયા.

ACBના અધિકારીઓએ જણાવ્યું હતું કે ભ્રષ્ટાચારના આરોપી સરકારી અધિકારીઓ પર રાજ્યવ્યાપી કાર્યવાહીના ભાગ રૂપે, કાલબુર્ગી જિલ્લામાં PWD એન્જિનિયરના ઘર પર દરોડા પાડવામાં આવ્યા હતા. આ રહેઠાણની પાઇપલાઇનમાં રોકડ સંતાડવામાં આવી હતી. પાઈપલાઈનમાંથી પૈસા કાઢવા માટે પ્લમ્બરને બોલાવવામાં આવ્યો, પાઈપલાઈનને તોડવામાં આવી અને તેની અંદર સંતાડવામાં આવેલા નોટોના બંડલ બહાર કાઢવામાં આવ્યાં.

કર્ણાટકના એન્ટી કરપ્શન બ્યુરોના કુલ 503 અધિકારીઓએ રાજ્યમાં 68 અલગ-અલગ સ્થળોએ દરોડા પાડ્યા હતા. અપ્રમાણસર સંપત્તિના કેસમાં કર્ણાટક સરકારના 15 અધિકારીઓ સામે દરોડા પાડવામાં આવ્યા હતા.

આ પણ વાંચો : ડ્રગ્સ બાદ હવે અમદાવાદમાં ટ્રામાડોલનો 189 કિલોનો જથ્થો ઝડપાયો, જાણો શું છે આ ટ્રામાડોલ?

આ પણ વાંચો : સુરતમાં ચોંકાવનારી ઘટના : મૃત માતાના વાળ પકડીને રડી રહ્યું હતું એક મહિનાનું બાળક

 

  • Follow us on Facebook

Click on your DTH Provider to Add TV9 Gujarati