WTC Final: ફિલ્ડીંગ દરમ્યાન જ કેપ્ટન વિરાટ કોહલી ઢોલના તાલે ભાંગડા ડાન્સ કરવા લાગ્યો, જુઓ વિડીયો

ભારત અને ન્યુઝીલેન્ડ (India and New Zealand) વચ્ચે, વિશ્વ ટેસ્ટ ચેમ્પિયનશીપ (World Test Championship)ફાઇનલ મેચ સાઉથમ્પટનમાં રમાઇ રહી છે. ત્રીજા દિવસની રમત સંપૂર્ણ પણે ન્યુઝીલેન્ડના પક્ષમાં રહી હતી. પહેલા બોલરો એ ભારતીય બેટીંગ લાઇનને ઝડપ થી સમેટી લીધી. બાદમાં બેટંગ માટે મેદાને ઉતરતા મજબૂત શરુઆથ કરી દીધી. હતી. આ દરમ્યાન ભારતીય ખેલાડીઓ સંઘર્ષની સ્થિતીમાં હતા. પરંતુ માહોલને હળવો કરતો હોય એમ કેપ્ટન વિરાટ કોહલી (Virat Kohli) મેદાનમાં ભાંગડા ડાન્સ કરતો નજરે ચઢ્યો હતો.

ન્યુઝીલેન્ડની બેટીંગ ઇનીંગ ચાલી રહી હતી. તે સમયે કોહલી ફિલ્ડીંગમાં સ્લીપમાં ઉભો હતો ત્યારે, ઢોલના અવાજ પર ભાંગડા કરવા લાગી ગયો હતો. જે જોઇને દર્શકો પણ ખુશ થઇ ગયા અને કેટલાક ફેન્સ નાચવા પણ લાગ્યા હતા. વિરાટ કોહલીનો વિડીયો સોશિયલ મીડિયા પર વાયરલ થવા લાગ્યો હતો.

બીજા દિવસની પ્રથમ સેશનની રમત દરમ્યાન વાદળો ઘેરાયેલી સ્થિતીમાં બેટીંગ કરવી મુશ્કેલ હતી. જેને ફાયદો ન્યુઝીલેન્ડના બોલરો ઉઠાવી રહ્યા હતા. વિરાટ કોહલી આગળના દિવસની અણનમ રમત સાથે રવિવારે મેદાને ઉતર્યો હતો. એક પણ રન પોતાના સ્કોરમાં જોડ્યા વિના જ વિકેટ ગુમાવી બેઠો હતો. આરસીબીના તેના જ સાથી કાયલ જેમિસને તેને મુશ્કેલીમાં નાંખી દીધો હતો. બોલ્ટ અને જેમીસને કોહલી માટે ઓફ સ્ટંપ ની બહાર બોલ નાંખ્યા હતા. કોહલી એલબીડબલ્યુ આઉટ થયો હતો.

ન્યુઝીલેન્ડ 2 વિકેટે 101 રને રમતમાં

પ્રથમ દિવસની રમત વરસાદને લઇને ગુમાવ્યા બાદ, બીજા દિવસે ટોસ ઉછાળવામાં આવ્યો હતો. ન્યુઝીલેન્ડે ટોસ જીતીને પહેલા બોલીંગ પસંદ કરી હતી. ભારતીય ટીમ 217 રનના સ્કોર પર ઓલઆઉટ થઇ ગઇ હતી. અજીંક્ય રહાણેએ સૌથી વધુ 49 રન બનાવ્યા હતા. જ્યારે કાયલ જેમિસને 5 વિકેટ ઝડપી હતી. ન્યુઝીલેન્ડે તેની પ્રથમ બેટીંગ ઇનીંગની રમતને શરુ કરતા 2 વિકેટે 101 રન કર્યા હતા. ડેવોન કોન્વે એ અર્ધશતકીય ઇનીંગ રમી આઉટ થયો હતો.