લગ્નના ઘણા વીડિયો (Viral Video) સોશિયલ મીડિયા (Social Media) પર જોવા મળે છે. લગ્ન પ્રસંગમાં વર અને કન્યાનું તેજ સૌથી વધુ હોય છે. લગ્નમાં હાજર તમામ મહેમાનોની નજર વર અને કન્યા પર સ્થિર હોય છે. બંનેને એક સાથે જોવા માટે દરેક વ્યક્તિ તલપાપડ રહે છે. સોશિયલ મીડિયા પર નવા કપલની ઘણી તસવીરો અને વીડિયો જોવા મળે છે. તમે બધાએ જોયું હશે કે મોટાભાગના વર -કન્યાની ઉંચાઈમાં મોટો તફાવત ગોય છે. જે બાદ વરમાળા દરમિયાન ઘણું હાસ્ય જોવા મળે છે.
હવે જે વીડિયો સોશિયલ મીડિયા પર વાયરલ થઈ રહ્યો છે તે પણ તેમાંથી એક છે. વીડિયોમાં જોઈ શકાય છે, એક ઉંચો વર સ્ટેજ પર ઉભો છે અને દુલ્હન પણ તેની સાથે જોવા મળી રહી છે. બંને સ્ટેજ પર માળાની વિધિ પૂર્ણ કરવા માટે ઉભા છે. માળા વિધિ શરૂ થતાં જ કન્યા પહેલા આવે છે અને વરરાજાના ગળામાં માળા પહેરાવવાનો સખત પ્રયાસ કરે છે પરંતુ તે પહેરાવી નથી શક્તી, આ જોઇ વરરાજાએ એવું કંઈક કર્યું જેણે ત્યાં હાજર લોકોના દિલ જીતી લીધા.
ખરેખર, વરરાજા સ્ટેજ પર કન્યાની સામે ઘૂંટણિયે પડી ગયો, જેથી કન્યા આરામથી તેના ગળામાં માળા પહેરાવી શકે. વીડિયોમાં જોઈ શકાય છે કે દુલ્હન ખુશીથી તેના ગળામાં માળા પહેરાવે છે. દરેક વ્યક્તિને આ વીડિયો ખૂબ પસંદ આવી રહ્યો છે.
આ વીડિયો સોશિયલ મીડિયા પ્લેટફોર્મ ઇન્સ્ટાગ્રામ એકાઉન્ટ પર શેર કરવામાં આવ્યો છે. તમે આ વિડીયોને Shystyles My Doll નામના એકાઉન્ટ પર જોઈ શકો છો. પેજ પર વીડિયો અપલોડ થતા જ તેને લાખો લોકોએ પસંદ કરી અને લાઈક કોમેન્ટ દ્વારા ખૂબ પ્રેમ આપ્યો. આ વીડિયો શેર કરતા પેજના એડમીને કેપ્શનમાં લખ્યું, ‘મારુ ફેવરિટ સીન’. અન્ય ઘણા યુઝર્સે પણ આ વીડિયો પર પોતાનો પ્રતિભાવ આપ્યો હતો.
વીડિયો પર લોકોની પ્રતિક્રિયા વિશે વાત કરતા, એક યુઝરે ટિપ્પણી કરી, ‘આ વીડિયો ખૂબ જ ક્યૂટ છે’ અન્ય એક યુઝરે લખ્યું, ‘મેં આવુ ઘણા લગ્નોમાં જોયું છે, તે લગ્નના સુંદર ભાગોમાંથી એક છે. આ સિવાય મોટાભાગના લોકો ઇમોજી શેર કરીને પ્રેમની વર્ષા કરી છે.
આ પણ વાંચો –
આ પણ વાંચો –
Published On - 9:36 am, Wed, 29 September 21