ભારતીય ક્રિકેટની એક ટીમ હાલમાં વિરાટ કોહલી (Virat Kohli)ની આગેવાનીમાં ઈંગ્લેન્ડ પ્રવાસે (England Tour) છે તો બીજી ટીમ શિખર ધવન (Shikhar Dhawan)ની કેપ્ટનશીપમાં આવતીકાલે સોમવારે શ્રીલંકા પ્રવાસ ખેડનારી છે. શ્રીલંકા પ્રવાસે (Sri Lanka Tour) જતા પહેલા બે સપ્તાહથી મર્યાદિત ઓવરની ટીમ હાલમાં મુંબઈમાં ક્વોરન્ટાઈન હેઠળ છે.
જે સોમવારે કોલંબો જવા રવાના થતા પહેલા અંતિમ તૈયારીઓ કરી ચુકી છે. શિખરની પલટનને ક્વોરન્ટાઈન દરમ્યાન એક નવી ડીશ જમવામાં પિરસવામાં આવી છે. જેનો વીડિયો BCCIએ શેર કર્યો છે. તમને આમ તો જોઈને નવાઈ લાગશે, કારણ કે ક્રિકેટના બદલે BCCI ખાસ ડીશની રેસીપી શીખવી રહી છે. પરંતુ આ માત્ર રેસીપી જ નથી બનાવાઈ રહી, ખેલાડીઓના મનગમતા ભોજનની વાત પણ બતાવી છે.
બીસીસીઆઈએ વીડિયોમાં બતાવેલી આ નવી ડીશનું નામ ‘મોક ડક’ (Mock Duck) છે. ‘મોક ડક’ કેવી રીતે બને છે, તેનો વીડિયો શેર કર્યો છે. વીડિયોની શરુઆત શ્રીલંકા પ્રવાસે જનારી ટીમના કેપ્ટન શિખર ધવન, ‘મોક ડક’ ડીશ તેને કેટલી પસંદ છે તે બતાવે છે.
Yummy Video Alert 😋
The Sunday Food Fix! 🍲
Presenting Mock Duck – the veggie delight that’s the current hot favourite of #TeamIndia 👨🍳 – by @ameyatilak#SLvIND pic.twitter.com/pWdzAfSHXb
— BCCI (@BCCI) June 27, 2021
ડીશને બનાવી રહેલા માસ્ટર શેફે તેને બનાવતી વખત ‘મોક ડક’ની ખાસ વાતોને પણ કહી હતી. તેઓએ તેને શાકાહારી લોકો માટે એક શ્રેષ્ઠ ડીશ બતાવી હતી. શેફ મુજબ મોક ડક ખાવામાં ખૂબ જ સ્વાદિસ્ટ હોય છે. તેમ જ તેમાં ખૂબ પ્રોટીન હોય છે.
ડીશને બનાવવા સાથે તેની ખાસ વાતો તો માસ્ટર શેફ દ્વારા બતાવી હતી. પરંતુ સાથે સાથે એ પણ વાત કહી કે કયા ખેલાડીને તે વધારે પસંદ છે. શેફ મુજબ મોક ડક સંજૂ સેમસનની હોટ ફેવરીટ છે. આ ઉપરાંત શિખર ધવનને પણ ખૂબ પસંદ પડી છે. પંડ્યા બ્રધર્સ (Pandya Brothers) પણ દર બેથી ત્રણ દિવસમાં 2 વાર મોક ડીશ બનાવવા ઓર્ડર કરે છે.
શિખર ધવનની આગેવાનીમાં ટીમ શ્રીલંકા પ્રવાસ શરુ કરતા અગાઉ એકદમ તાજગી ભરી લાગી રહી છે. ટીમનો જોશ હાઈ છે. શ્રીલંકા જીતવાની મેદાની તૈયારીઓ પણ ક્વોરન્ટાઈન ખતમ થતા શરુ થશે. ભારતે શ્રીલંકા પ્રવાસ દરમ્યાન વ્હાઈટ બોલ શ્રેણી રમવાની છે. ટીમ જ્યાં 3 વન ડે અને 3 ટી20 મેચની સિરીઝ રમનાર છે.
આ પણ વાંચો: Cricket: આ બોલરો ગીલ્લીઓ ઉડાડવાને લઈને રહ્યા છે ખતરનાક, જુઓ સૌથી વધુ ક્લીન બોલ્ડ કોણે કર્યા?
Published On - 8:22 pm, Sun, 27 June 21