Viral Video: લો બોલો…ફોનના ચક્કરમાં ભૂલી ભાન, મહિલા બગીચામાં છોકરું ભૂલી ગઈ! Video થયો Viral

Mother Baby Viral Video: સોશિયલ મીડિયા પર વાયરલ થયેલો આ વીડિયો ખરેખર ચોંકાવનારો છે. તેમાં બતાવવામાં આવ્યું છે કે એક મહિલા ફોન પર વાત કરવામાં એટલી મગ્ન થઈ ગઈ કે તેને ખ્યાલ જ ન આવ્યો કે તે પોતાના બાળકને પાર્કમાં ભૂલી ગઈ છે. વાયરલ ક્લિપે બાળકોની સલામતી અને માતા-પિતાની જવાબદારી અંગે ઇન્ટરનેટ પર એક નવી ચર્ચા જગાવી છે. કેટલાક યુઝર્સ તેને માને છે કે આ સ્ક્રિપ્ટેડ હોઈ શકે છે.

ભૂલનો થયો અહેસાસ

વાયરલ થઈ રહેલા વીડિયોમાં તમે જોઈ શકો છો કે મહિલા ફોન પર વાત કરતી વખતે ક્યાંક જઈ રહી છે, ત્યારે એક પુરુષ તેના ખોળામાં બાળક લઈને મહિલાની પાછળ દોડતો આવે છે અને કહે છે – ઓહ મેડમ. તમે તમારા બાળકને ભૂલી ગયા છો. આ જોઈને મહિલાને તરત જ પોતાની ભૂલનો અહેસાસ થાય છે અને તે બાળકને લેવા દોડી જાય છે.

વીડિયોમાં તમે જોશો કે મહિલા તરત જ બાળકને તેડી લે છે. આ પછી તે પુરુષ સ્ત્રીને કહે છે, અરે મેડમ, આ શું છે યાર. એ તમારું જ બાળક છે ને? આ વીડિયો ઇન્ટરનેટ પર ખૂબ શેર થઈ રહ્યો છે. @gharkekalesh હેન્ડલ પરથી વીડિયો શેર કરતા, યુઝરે નેટીઝન્સ ને જણાવ્યું કે મહિલા પાર્કમાં બાળકને ભૂલી ગઈ છે.

લોકોએ પ્રતિક્રિયા આપવાનું શરૂ કર્યું

આ ઘટનાનો વીડિયો સોશિયલ મીડિયા પર આવતાની સાથે જ લોકોએ પ્રતિક્રિયા આપવાનું શરૂ કરી દીધું. કેટલાક લોકોને આશ્ચર્ય થયું કે એક માતા આવું કેવી રીતે કરી શકે છે, તો કેટલાક લોકોએ દાવો કર્યો કે આ ઘટના એક ફિલ્મના શૂટિંગનો ભાગ હતી.

એક યુઝરે કોમેન્ટ્સ કરી આ બેદરકારીની પરાકાષ્ઠા છે. બીજા એક યુઝરે કહ્યું, દુનિયા ફોનથી એટલી મગ્ન થઈ ગઈ છે કે લોકો પોતાના બાળકોને આ રીતે પાર્કમાં ભૂલી રહ્યા છે. બીજા એક યુઝરે કોમેન્ટ્સ કરી, મને કેમ લાગે છે કે આ સ્ક્રિપ્ટેડ છે અને શૂટિંગનો ભાગ છે.

તમને જણાવી દઈએ કે આ વીડિયો જૂનો છે. આ ક્લિપ 2019માં પણ વાયરલ થઈ હતી. ત્યારે પણ આ જોઈને લોકો ખૂબ ગુસ્સે થયા. જો કે આ કોઈ સિરિયલ કે ફિલ્મનો ભાગ હતો કે નહીં તેની હજુ સુધી કોઈ માહિતી નથી.