હિંમતનગર શહેરમાંથી પસાર થતા નેશનલ હાઇવેના અધૂરા કાર્યને લઈ સ્થાનિકો અને વાહન ચાલકો પરેશાન થઇ ચૂક્યા છે. વિસ્તારમાં અકસ્માતોનું પ્રમાણ પણ જેને લઈ વધ્યુ છે. આવી જ રીતે મોતીપુરા વિસ્તારમાં એક ટ્રકની નિચે કચડાઇ જતા મહિલાનું ઘટના સ્થળે મોત નિપજ્યુ હતુ.
બાઇકને અડફેટે લેતા બાઇક પર સવાર મહિલા અને ત્રણ વર્ષનો માસૂમ પુત્ર નિચે પડ્યા હતા. જેમાં બાઇક સવાર મહિલા ચંપાબેન રાઠોડ પર ટ્રકનું ટાયર ફરી વળવાને લઈ ઘટના સ્થળે જ મોત નિપજ્યુ હતુ. જ્યારે માસુમ બાળકને ઇજાઓ પહોંચી હતી. અકસ્માત સર્જીને ટ્રકનો ચાલક ઘટના સ્થળ પરથી ભાગી છૂટ્યો હતો. અકસ્માતના પગલે સ્થાનિકોમાં રોષ ફેલાયો હતો.
Published On - 9:20 am, Sat, 10 February 24