આજનું હવામાન : તહેવારમાં આવશે વાતાવરણમાં પલટો ! કેટલાક વિસ્તારોમાં વરસાદની આગાહી, જુઓ Video

હવામાન શાસ્ત્રી અંબાલાલ પટેલની આગાહી અનુસાર ગુજરાતમાં સવાર-સાંજ ગુલાબી ઠંડીનો અનુભવ થશે. તેમજ કેટલાક વિસ્તારોમાં વરસાદી માહોલ જોવા મળી શકે છે. દિવાળીના તહેવારો પર રાજ્યના કેટલાક વિસ્તારોમાં માવઠું થવાની શક્યતા છે. તો બેસતા વર્ષના દિવસે પણ રાજ્યમાં વાદળછાયુ વાતાવરણ રહેવાની શક્યતા છે.

હવામાન શાસ્ત્રી અંબાલાલ પટેલની આગાહી અનુસાર 13 ઓક્ટોબરથી રાજ્યના વાતાવરણમાં પલટો આવવાની શક્યતા છે. તેમજ 18થી 20 ઓક્ટોબર દરમિયાન બંગાળના ઉપસાગરમાં લો પ્રેશર બની શકે છે. 23 ઓકટોબરથી ગુજરાતમાં ઠંડા પવન ફૂંકાય તેવી પણ આગાહી કરવામાં આવી છે. આ ઉપરાંત 18 નવેમ્બરથી બંગાળના ઉપસાગરમાં ચક્રવાતની શક્યતા છે. નવેમ્બર મહિનામાં પણ મોસમનો બેવડો માર સહન કરવો પડી શકે છે.

જાણો રાજ્યમાં કેટલું રહેશે મહત્તમ તાપમાન

હવામાન વિભાગની આગાહી અનુસાર આજે અમદાવાદ, આણંદ, અરવલ્લી, બનાસકાંઠા, ભરૂચ, બોટાદ, દેવભૂમિ દ્વારકા,જામનગર, મહીસાગર, પાટણ, પોરબંદર, તાપી, વડોદરા, વલસાડ સહિતના જિલ્લાઓમાં 33 ડિગ્રી મહત્તમ તાપમાન રહે તેવી શક્યતા છે. ત્યારે અમદાવાદ, અમરેલી, ભરૂચ, બોટાદ, જુનાગઢ, મોરબી, રાજકોટ,વડોદરા, વલસાડ સહિતના જિલ્લામાં 20 ડિગ્રી ન્યૂનતમ તાપમાન રહે તેવી શક્યતા છે.