સાબરકાંઠા જિલ્લામાં નવા વર્ષને લઈ અને દિવાળીના તહેવારોનો અનેરો ઉત્સાહ જોવા મળી રહ્યો છે. તહેવારોને લઈ પડતર દિવસ સુધી બજારોમાં ભીડ જોવા મળી છે. આ દરમિયાન પોશીના તાલુકાના લાંબડીયાના બજારનો એક વીડિયો સામે આવ્યો છે. અહીં બજારમાં જ બે જૂથ વચ્ચે મારામારી સર્જાઈ ગઈ હતી. ભીડ વચ્ચે મારામારીના દ્રશ્યો સર્જાતા અફરાતફરી મચી હતી.
સામાન્ય બોલાચાલીથી શરુ થયેલ ઘર્ષણ મારામારી સુધી પહોંચ્યુ હતુ. બે જૂથ વચ્ચે છૂટા હાથની મારામારીના દ્રશ્યો સર્જાયા હતા. એક તરફ તહેવારોની ખરીદીને લઈ બજારમાં ભારે ભીડ હતી. ત્યાં બીજી તરફ આ મારામારી સર્જાવાને લઈ બજારમાં ખરીદી કરવા આવેલા લોકોમાં પણ સલામતીને લઈ નાસભાગ સર્જાઈ હતી.
Published On - 1:58 pm, Mon, 13 November 23