Ahmedabad: અરવિંદ કેજરીવાલની રેલીમાં ભીડ એકત્ર કરવા નાણાં વહેચાયો હોવાના આક્ષેપ સાથે ભાજપે વિડીયો શેર કર્યો
આમ આદમી પાર્ટીએ રૂપિયા આપીને બોલાવ્યા હોવાનો દાવો ભાજપના નેતા અમિત માલવિયાએ કર્યો છે. અમિત માલવિયાએ આ અંગેનો એક વીડિયો ટ્વીટર પર શેર કર્યો છે અને દાવો કર્યો છે કે, આમ આદમી પાર્ટીએ રૂપિયા આપી ભીડ એકઠી કરી છે. વીડિયોમાં જોવા દેખાઈ રહ્યું છે કે, બે યુવાનો કેટલાક લોકોને આમ આદમી પાર્ટીનો ખેસ અને રૂપિયા આપી રહ્યા છે.
ગુજરાતમાં વિધાનસભા ચુંટણીને(Gujarat Assembly Election) લઈને રાજકારણ ગરમાયું છે. જેમાં અમદાવાદમાં દિલ્હીના મુખ્યપ્રધાન અરવિંદ કેજરીવાલના (Arvind Kejriwal) રોડ શોને (Road Show)લઇ રાજકારણ ગરમાયું છે. આ રોડ શોને લઇ ભાજપ અને આમ આદમી પાર્ટી સામ સામે આવી ગયા. જેના ભાગરૂપે આજે દિલ્હીના સીએમ અરવિંદ કેજરીવાલ અને પંજાબના સીએમ ભગવંત માને આજે અમદાવાદમાં રોડ શોનું આયોજન કર્યું છે. જેમાં અમદાવાદમાં આજે આમ આદમી પાર્ટીમાં મોટી સંખ્યામાં લોકો જોડાયા છે. જો કે, આ લોકોને આમ આદમી પાર્ટીએ રૂપિયા આપીને બોલાવ્યા હોવાનો દાવો ભાજપના નેતા અમિત માલવિયાએ કર્યો છે. અમિત માલવિયાએ આ અંગેનો એક વીડિયો ટ્વીટર પર શેર કર્યો છે અને દાવો કર્યો છે કે, આમ આદમી પાર્ટીએ રૂપિયા આપી ભીડ એકઠી કરી છે. વીડિયોમાં જોવા દેખાઈ રહ્યું છે કે, બે યુવાનો કેટલાક લોકોને આમ આદમી પાર્ટીનો ખેસ અને રૂપિયા આપી રહ્યા છે. જો કે, ટીવીનાઈન આ વીડિયોની પુષ્ટી કરતું નથી.
જો કે આ દરમ્યાન રાજ્ય સરકારના પ્રવક્તા જીતુ વાઘાણીએ કહ્યું કે ગુજરાત રાજ્ય દરેક મહેમાનને આવકારે છે.પ્રવાસીઓ ગુજરાત આવે અને જાય.એક મોટા શહેરના મેયર ગુજરાત આવ્યાં છે.ગુજરાતની પ્રજા ત્રીજા પક્ષને કોઇ સ્થાન નહીં આપે તો બીજી તરફ વાઘાણીને આપ નેતા ઇસુદાન ગઢવીએ જવાબ આપ્યો અને વાઘાણીના નિવેદનને નિમ્ન કક્ષાનું ગણાવ્યું હતું.
આ પણ વાંચો : Rajkot: ધોરાજીમાં ડુંગળીના પોષણક્ષમ ભાવ ન મળતા ખેડૂતોમાં આક્રોશ, ખેતરમાં પાક ચરવા પશુઓ મૂક્યા
