26મી જાન્યુઆરીને ગણતંત્ર દિવસને લઇને કચ્છથી રાજસ્થાન બોર્ડર સુધી BSF હાઇએલર્ટ પર છે. કચ્છ ક્રીક, રણ સરહદથી લઇ છેક રાજસ્થાનના બાડમેર સુધી BSF એલર્ટ મોડ પર છે.BSF 21 થી 28 જાન્યુઆરી સુધી ‘ઓપ્સ એલર્ટ’ અંતર્ગત વિવિધ એક્સરસાઇઝ કરશે.BSF આંતરરાષ્ટ્રીય સરહદની આસપાસના વિસ્તારો સાથે ક્રીક અને હરામી નાળા વિસ્તારમાં ખાસ ઝુંબેશ ચલાવશે.
આ સાથે વિવિધ ઓપરેશનલ પ્રક્રિયાઓ અંગે પણ ચકાસણી કરવામાં આવશે અને બોર્ડર વિસ્તારમાં રહેતા લોકો સાથે પણ BSF મુલાકાત કરશે.મહત્વપૂર્ણ છે કે કચ્છના રણ અને ક્રીક વિસ્તારમાંથી અનેક વખત પાકિસ્તાની નાગરિકો ઘૂસણખોરી કરતા પકડાયા છે ત્યારે ગણતંત્ર દિવસની ઉજવણીમાં કોઈ ખલેલ ન પહોંચે તે માટે સુરક્ષાદળો દ્વારા સુરક્ષા વધારાઇ છે.
ગુજરાતના મુખ્યમંત્રી ભૂપેન્દ્ર પટેલ અને રાજ્યપાલ બંને બોટાદ રાજય કક્ષાના પ્રજાસત્તાક દિવસની ઉજવણીમાં હાજરી આપશે. બોટાદમાં પ્રથમ વખત આ પ્રકારનો કાર્યક્રમ યોજાવા જઈ રહ્યો છે. 26 જાન્યુઆરીના રોજ, ગુજરાતના મુખ્યમંત્રી ભૂપેન્દ્ર પટેલ અને રાજ્યપાલ બંને બોટાદ જિલ્લામાં યોજાનારી પ્રજાસત્તાક દિવસની ઉજવણીમાં હાજરી આપશે.
આ પ્રસંગે મુખ્યમંત્રી ભૂપેન્દ્ર પટેલ વિવિધ કાર્યક્રમોમાં ભાગ લેશે અને મુખ્ય ધ્વજવંદન સમારોહની અધ્યક્ષતા કરશે. આ ઉપરાંત જિલ્લા કક્ષાએ પણ પ્રજાસત્તાક દિવસનો કાર્યક્રમ યોજાશે. પ્રજાસત્તાક દિવસના એક દિવસ પહેલા સીએમ પટેલ બોટાદ પહોચશે અને વિવિધ વિકાસ કામોનું લોકાર્પણ કરવા ઉપરાંત બોટાદ જિલ્લાની બે કોફી ટેબલ બુકનું વિમોચન કરશે.
આ પણ વાંચો : ગાંધીનગર 22 થી 24 જાન્યુઆરી દરમિયાન G-20 બેઠકો માટે સજ્જ, દેશ વિદેશમાંથી મહાનુભાવો રહેશે હાજર
Published On - 4:32 pm, Sun, 22 January 23