વડોદરામાં(VADODARA) મહિલા કોર્પોરેટરે (Women corporators)દારૂના નશામાં પકડાયેલા પુત્રને છોડાવવા આખુ પોલીસ સ્ટેશન માથે લીધુ. પોતાનો પુત્ર નશાની હાલતમાં ઝડપાયો હોવા છતાં ભાજપના (BJP) મહિલા કોર્પોરેટર જેલમ ચોક્સી લાગવાને બદલે ગાજતા જોવા મળ્યા. તેમણે પોતાના પુત્રને ઠપકો આપવાને બદલે પોલીસ સ્ટેશનમાં જ કાયદાની ઐસીતૈસી કરી નાખી. તેઓ મનફાવે તેમ (POLICE)પોલીસકર્મચારીઓને બોલતા રહ્યા. પોલીસે મહિલા કોર્પોરેટર હોવાથી મર્યાદા જાળવી પણ કોર્પોરેટરે પોલીસકર્મીઓને રીતસરના તતડાવી નાખ્યા.
એક નગરસેવક ( corporators )તરીકે તેઓ ઉગ્ર થવાની જગ્યાએ નમ્ર થઈને પોલીસ સાથે વાતચીત કરી શકતા હતા. પરંતુ આમ કરવાને બદલે તેઓ ઉગ્ર થઈ ગયા અને ઉદ્યતાઈભર્યું વર્તન કરવા લાગ્યા. જેને લઈ અનેક સવાલો ઉઠી રહ્યા છે. શું કોર્પોરેટરનો પુત્ર હોય એટલે ગમે તે કરી શકે? પુત્રએ નશો કર્યો હોવા છતાં કોર્પોરેટર કેમ કરી રહ્યા છે બચાવ? પુત્રની આવી કરતૂત પર લાજવાને બદલે કેમ ગાજ્યા કોર્પોરેટર? ગુનો કર્યો હોય પણ પુત્ર હોય એટલે પોલીસ સ્ટેશન માથે લેવાનું? કોર્પોરેટરના પુત્રને કંઈપણ કરવાની છૂટ? કોર્પોરેટર (corporators)નો પુત્ર હોય એટલે કાયદો લાગુ ન પડે?
હવે આખી ઘટના શું છે તે પણ જાણી લઈએ. 31 ડિસેમ્બર અને નાઈટ કરફ્યૂને ધ્યાનમાં રાખીને વડોદરા પોલીસ સઘન ચેકિંગનો આદેશ હતો. પોલીસ બ્રેથ એનેલાઈઝરથી દારૂ પીધેલાઓને પકડવાની ઝુંબેશ ચલાવી રહી હતી. આ દરમિયાન ચાર દરવાજા વિસ્તારમાં વોર્ડ નંબર 14ના ભાજપના મહિલા કોર્પોરેટર જેલમ ચોક્સીનો પુત્ર નશાની હાલતમાં ઝડપાયો હતો. પોલીસ તેને પોલીસ સ્ટેશને લઈ ગઈ હતી. જે અંગેની જાણ થતાં જ કોર્પોરેટર પોલીસ સ્ટેશન પહોંચી ગયા હતા અને પોતાના દીકરાએ કોઈ ગુનો જ ન કર્યો હોય તેમ વર્તી રહ્યા હતા. શહેર પોલીસ મથકે નગરસેવકના પુત્ર સામે ગુનો નોંધાતા મહિલા કોર્પોરેટર વિફર્યા હતા અને મનફાવે તેમ બોલવા લાગ્યા હતા.
આ પણ વાંચો : Ahmedabad : મંત્રી પૂર્ણેશ મોદી હેલિકોપ્ટર જોય રાઇડ સેવા ખુલ્લી મુકશે
આ પણ વાંચો : Sabarkantha : પેપર લીક કેસમાં વધુ બે આરોપીની ધરપકડ, કોર્ટમાં રજૂ કરાશે