લાખાજીરાજ રોડ પર ફરી વેપારીઓ અને ફેરિયાઓ આવ્યા આમને-સામને, ફેરિયાઓને અટકાવવા બંંને સાઈડથી રોડ કર્યો બંધ – જુઓ Video

રાજકોટમાં લાખાજીરાજ રોડ પર ફરી વેપારીઓ અને ફેરિયાઓનો આમનો-સામનો થયો છે. રોડ પર ફેરિયાઓ ધંધો કરતા હોવાને કારણે વેપારીઓમાં નારાજગી ફેલાઈ છે.

સરળ રીતે કહીએ તો, રોડ પર ફેરિયાઓ ધંધો કરતા હોવાને કારણે ટ્રાફિકમાં અવરજવરને કારણે વેપારીઓમાં નારાજગી ફેલાઈ છે અને વેપારમાં વિક્ષેપ ઉભો થઈ રહ્યો છે.

વેપારીઓએ રોડના બન્ને તરફથી માર્ગ બંધ કરીને વિરોધ નોંધાવ્યો છે અને એલાન કર્યું છે કે, મંગળવારે બપોરના 1 વાગ્યા સુધી લાખાજીરાજ રોડ બંધ રહેશે.

વેપારીઓ ફરી મનપા કમિશનર અને પોલીસ કમિશનરને આવેદન આપશે તેમજ સમગ્ર વિસ્તારમાં પોલીસ પેટ્રોલિંગ કરવામાં આવવાની માગ રાખી છે. વેપારીઓના આક્ષેપ મુજબ ફેરિયાઓને કારણે લોકોમાં હાલાકી પેદા થઈ રહી છે.

દિવાળી પહેલા પણ વેપારીઓ દ્વારા ફેરિયાઓનો વિરોધ કરવામાં આવ્યો હતો અને અગાઉ ધારાસભ્યોની મધ્યસ્થીથી આ મામલો થાળે પાડવામાં આવ્યો હતો.