સાબરકાંઠા અને અરવલ્લી જિલ્લામા ચોરીના બનાવોના પ્રમાણમાં વધારો નોંધાયો છે. હિંમતગર શહેર અને આસપાસના વિસ્તારોમાં તસ્કરો ત્રાટકવાના બનાવો વધતા જઈ રહ્યા છે. આ દરમિયાન હવે વિજયનગરના ટોલ ડુંગરીમાં બે બંધ મકાનમાં ચોરીનો બનાવ નોંધાયો છે. તસ્કરોએ બંધ મકાનમાંથી સોના અને ચાંદીના દાગીના સહિતની ચોરી આચરી હોવાનું નોંધાયુ છે.
બંધ મકાનમાંથી 5.75 લાખના ઘરેણાં સહિતની મત્તાની ચોરી આચરવામાં આવી હોવાનો ગુનો નોંધાયો હતો. એફએસએલ અને ડોગ સ્ક્વોડ સહિતની ટીમો સ્થળ પર પહોંચી હતી. તસ્કરોની કડી મેળવવા માટે પોલીસે પ્રયાસ શરુ કર્યો હતો.
Published On - 8:24 pm, Fri, 2 February 24