વરસાદના કારણે ખેડૂતોની ચિંતામાં વધારો, સુરેન્દ્રનગરમાં કિશાન સંઘનો ગ્રાઉન્ડ સર્વે, જુઓ Video

ગુજરાતના સુરેન્દ્રનગર જિલ્લામાં તાજેતરમાં થયેલા ભારે વરસાદ અને અલનીનોની અસરને કારણે ખેડૂતોને પાકમાં વ્યાપક નુકસાન થયું છે. આ પરિસ્થિતિમાં ખેડૂતોની ચિંતામાં નોંધપાત્ર વધારો થયો છે. વરસાદના કારણે માત્ર પાકોને જ નહીં, પરંતુ ખેતરોના પાળા અને બાગાયતી પાકોને પણ મોટો ફટકો પડ્યો છે.

ખેડૂતોની આ વેદનાને વાચા આપવા અને વાસ્તવિક સ્થિતિનો તાગ મેળવવા માટે ભારતીય કિસાન સંઘની રાષ્ટ્રીય ટીમે સુરેન્દ્રનગરના ગામડાઓની મુલાકાત લીધી છે. આ ટીમે ખેતરોમાં જઈને નુકસાનગ્રસ્ત પાકોનું નિરીક્ષણ કર્યું હતું અને ખેડૂતો સાથે સીધો વાર્તાલાપ કર્યો હતો. સર્વે દરમિયાન, ખેડૂતોએ સતત વરસાદના કારણે થયેલા નુકસાન અંગે વિગતો આપી હતી.

ભારતીય કિસાન સંઘનો મુખ્ય ઉદ્દેશ ખેડૂતોને થયેલા નુકસાનની વાસ્તવિક માહિતી એકત્રિત કરીને સરકાર સમક્ષ રજૂ કરવાનો છે. સંઘે ખાતરી આપી છે કે ખેડૂતોને તેમના નુકસાન સામે યોગ્ય વળતર અને રાહત મળે તે માટે સઘન પ્રયાસો કરવામાં આવશે. આ સર્વે દ્વારા એકત્રિત કરાયેલા ડેટાના આધારે સરકાર સમક્ષ એક વિસ્તૃત રજૂઆત કરીને ખેડૂતોને ન્યાય અપાવવા માટે કિસાન સંઘ કટિબદ્ધ છે. ખેડૂતોને આશા છે કે સરકાર તેમની માંગણીઓ પર ધ્યાન આપીને તેમને આ આર્થિક સંકટમાંથી બહાર કાઢવા માટે સત્વરે નિર્ણય લેશે.

વિરોધ કરવો એ રાજદ્રોહ નથી, પરંતુ બંધારણની મર્યાદામાં થવો જોઈએ, Gen Z અંગે મોહન ભાગવતનું મોટું નિવેદન