Surat: કોર્પોરેશનની કામગીરી ફરી વિવાદમાં આવી છે. ચોક બજાર વિસ્તારમાં કોર્પોરેશને બનાવેલી સ્ટીલની સીડીને લઇ વિવાદ થયો છે. સ્ટીલની સીડી બનાવવામાં મોટાપાયે કૌભાંડ થયું હોવાની ચર્ચાએ પણ જોર પકડ્યું છે. કારણ કે ચોક બજાર વિસ્તારમાં ગાંધીજીની પ્રતિમા પાસે કોર્પોરેશને જે સીડી બનાવી છે તેનો ખર્ચ લાખોનો દર્શાવવામાં આવ્યો છે. કોર્પોરેશને 7.86 લાખ રૂપિયાના ખર્ચે માત્ર એક જ સીડી બનાવી છે. એટલે કે સીડીના એક પગથિયા પાછળ કોર્પોરેશન 66 હજાર રૂપિયાનો ખર્ચ કર્યો છે, જેને લઈ ભારે વિવાદ થયો છે.
આ પણ વાંચો : 29 વર્ષીય રત્ન કલાકારે આપઘાત કરી જીવન ટુંકાવ્યુ, યુવક સતત તણાવમાં રહેતો હોવાની માહિતી
તંત્ર દ્વારા કોઈ કામગીરીમાં વધુ નાણાં ખર્ચવાની વાત આવે તે સમજી શકયા પરંતુ સુરતમાં તો તંત્ર દ્વારા બનાવેલી એક સ્ટીલની સીડી પછાળ 66 હજાર જેટલા માતબર રૂપિયા ખર્ચ્યા હોવાની વાત સામે આવતા વિવિયાદ થયો છે અને સીડી કામગીરી પર હાલ પૂરતી રોક લગાવી દેવામાં આવી છે. મહત્વનું છે કે ગાંધીજીની પ્રતિમાને આગેવાનો અને નેતાએ સુતરાંજલિ કરી શકે તે માટે સીડી બનાવવાની કામગીરી કોર્પોરેશન હાથ ધરી હતી. પરંતુ સીડીના ખર્ચને લઇ વિવાદ થતાં કામગીરી પર રોક લગાવવામાં આવી છે.
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 7:04 pm, Thu, 1 June 23